郭志仁 - 聖誕裝飾天花板 | 九宮格
郭志仁
2024-12-20 02:00
字體大小
一次難忘約會，或許就在於它的隨意。夠膽放下既定安排，跟隨當下心情去探索，可能會創造出意想不到的驚喜。
聖誕前夕，航空界T先生趁飛往意大利工作期間，特意到米蘭Via Monte Napoleone小店，選購襟針給新相識女生做聖誕禮物。上星期約會，T先生計劃兩人先到金鐘看電影，然後到上環太平山街逛逛，選一間咖啡店送禮物。
不過，即興才來得更浪漫。離開戲院，兩人走到太古廣場毛絨樹林，巨型萌獸正忙於製作一份份貼心聖誕織物，送給到來的大小朋友。
T先生︰「我覺得PP嘅聖誕裝飾係天花板，一花一草都做得好細緻。」
女生笑說︰「你係咪睇咗我IG先咁講？我上年嚟咗兩次，第二次專登帶埋相機。咁上年你最記得係咩？」
T先生︰「上年係一個整體，由做得好細緻嘅樹紋、蘑菇、巨型花、仙子等等組成嘅森林。」
女生半信半疑，心想T先生竟然跟自己的觀察如此相近。
兩人在聖誕萌獸之間遊走大半小時，男生忽然提議：「夠唔夠膽去晒香港九龍大商場，睇晒佢哋啲聖誕裝置？」女生笑着點頭：「好啊！」
半天時間，兩人就這樣在各大商場穿梭。雖然即興改了劇本，終點還是一間咖啡小店，T先生送上襟針：「多謝你陪我傻咗一晚，呢幾個鐘頭同你行商場，會係我聖誕最開心嘅活動。」女生：「24或者25號可以再即興㗎！」
「穿梭深宵的軌跡，浪漫就要即興。」張蔓莎—到時見
郭志仁
最Hit
馬清鏗已婚有老婆三十多年 16年來未曾公開提太太 啜爆網紅小三斷正
2025-01-14 22:02
70歲前TVB甘草變國際巨星？獲國務秘書接待備受重視 自稱有重大「任務」
2025-01-14 20:30
更多文章
