帶着善心去旅行 寰宇希望「善客行」東京˙伊豆遊 支援當地特殊人士就業
KellyChu
2024-11-08 11:20
字體大小
寰宇希望喺10月21日至27日舉辦咗為期七日嘅東京˙伊豆慈善遊，由35位熱心人士組成嘅「善客行」造訪咗日本東京嘅社會企業，以支持特殊人士嘅就業支援服務。
寰宇希望每年都會舉辦體驗籌款活動，將慈善融入旅遊。每年他們都會帶領團友前往受寰宇希望服務嘅國家，足跡遍佈克羅地亞、東非肯亞、四川稻城等地，同時亦籌款支持當地嘅善行活動。
今次「善客行」參訪咗幾個寰宇希望喺日本分支機構嘅就業支援項目。首先去咗聘用殘障人士嘅手工藝品店Atelier Fucca，佢哋以「享受創作樂趣」為理念，希望俾受益人士喺充滿鼓勵及合作性嘅環境中融入社會。現場仲展示咗好多學員嘅創意作品，包括手袋、T恤、飾品及玩具等。呢啲作品不僅精美，有啲仲拎埋設計獎項。
而位於涉谷嘅蕎麥麵店Hachi Soba，專門聘用智障人士工作。團友參訪時正值午餐高峰期，餐廳座無虛席，經營得相當成功。日本寰宇希望嘅理事宮川公一表示，最重要係給予特殊人士與他人相同嘅工作機會，等佢哋有機會用自己嘅力量服務大眾。不但能為員工帶來信心，還協助佢哋建立自尊心，對佢哋嘅生活具有重大意義。
正如寰宇希望親善大使張文新所講，雖然今次籌款唔係咩大數字，不過最重要推廣行善行義嘅宗旨。佢希望每年嘅「善客行」都能激發愛心，勉勵行善，推動其他愛好旅行嘅朋友一起「帶着善心去旅行」。
日本寰宇希望理事宮川公一（右五）連同日本寰宇希望社員，香港寰宇希望親善大使張文新（左五）及執行總監廖立恆（左四）率領嘅香港代表團合照。
大灣區航空全力支持「善客行日本之旅」。圖為大灣區航空公司機場服務經理鄧志豪（中），寰宇希望親善大使張文新（右二）、執行總監廖立恆（左二）、義務公關尹美玉（左一）以及資深傳媒人車淑梅（右一）。
日本寰宇希望的社企Fucca工作室是專為特殊人士設立的職業支援中心，創作及售賣烘焙產品和手工藝品。
更多文章
