查小欣 - 大閘蟹宴 | 查乜料
查小欣
2024-10-25 02:00 HKT
字體大小
秋風起，大閘蟹季到，今年第一餐大閘蟹，選了銅鑼灣十里洋場的「珍味大閘蟹饗宴」，食大閘蟹最鍾意公蟹的白膏，當日8隻公蟹隻隻爆膏，白膏加黃膏好膠口，蟹肉豐滿鮮甜，非常滿足。追加每隻198元，5両重，幾抵。
行政主廚陳曉鶴師傅為我們精心準備了8道菜，主角大閘蟹出場前先來淮揚四小品：香口金絲小排骨、酒味香濃的花雕醉螺、刀工考究的墨魚大烤、五香毛豆夠惹味。
繼而是熱辣辣的蟹粉紅燒翅，足料蟹粉加翅，簡直是絕配，香滑濃稠，當然秒殺。
唯一沒大閘蟹影子的菜式，是矜貴的滬式紅燒鮑魚鵝掌花菇，配合饗宴之名。
蟹粉芙蓉三鮮蟹斗最討喜，用大閘蟹形狀器皿上桌，可愛悅目，每一口同時食到蟹粉、海參、鮮蝦、蛋白，口感層次極豐富。
酥炸蟹粉蝦仁荔芋盞，份量十足，我只吃得下四分一個，美味又抵食夾大件。
意猶未盡，另外加點了蟹粉蝦多士，高度推介，蟹粉混蝦膠，夾脆卜卜多士同吃，鮮軟脆口，再飽都KO一個。還有生拆蟹粉小籠包，餡料鮮味，溫馨提示，一定要用匙羹盛着吃，以防飽滿的湯汁四散。
作結的是配上10種材料的蟹粉海參十景炒飯，竟然又食晒，同減肥講拜拜。甜品有薑味十足的芝麻湯丸，及造型可愛的豬仔芒果布甸，白兔椰汁糕，打卡之選，大人小朋友都鍾意。
重點驚喜是二人同行，一人免費，每位$998，2位起，平均每位連加一，約五百多元，去邊度搵？
查小欣
最Hit
DSE考場現神秘「阿婆軍團」？不同試場湧現「長者級」考生 自爆背後離譜目的 考生嬲爆：玩Ｘ我？｜Juicy叮
2026-03-12 11:22 HKT
繞場一週｜馬會首次擔任「M」品牌高球賽官方社區合作夥伴 攜手推動高爾夫共融發展
2026-03-12 08:00 HKT
北上埋單發現「驚天慳錢大法」！港人實測食飯即打86折 原來戲飛揼骨都得 知情者：你太遲鈍了｜Juicy叮
2026-03-12 14:48 HKT
馬會支持「賽馬會社區高爾夫球計劃」 推動體育盛事
2026-03-12 08:00 HKT
長者手機月費2026｜7大電訊公司優惠推介！最平$33/月 無限數據＋本地通話 中國移/csl/SoSIM
2026-03-10 17:07 HKT
更多文章
