KellyChu - 「沙田精神號」大會堂外任打卡 75對75歲長者 拍婚紗照賀國慶 | Executive日記
KellyChu
2024-09-28 02:00 HKT
字體大小
75周年國慶日就快到，沙田民政事務處及沙田各界慶委會舉辦嘅《時光共映 銀髮婚紗夢》啟動禮，昨在沙田大會堂外舉行；逾75對與祖國同齡嘅長者，下周一亦會身穿婚紗和禮服，喺沙田大會堂外合影，慶祝祖國生日。小妹覺得有創意又浪漫！
沙田各界慶委會主席莫錦貴致辭時話，活動自9月中接受報名以來，反應熱烈，原定75個名額爆滿後，仍收到唔少長者報名，最終所有已報名嘅長者都可以參加。沙田各界大聯盟主席潘國山就話，婚紗活動嘅主意來自民間，沙田第一代街坊許多都70多歲，同國家一樣，經歷新中國成立和百廢待興嘅過程，而婚紗活動亦彌補長者年輕時嘅遺憾。佢希望同沙田區長者，一齊分享國慶75周年嘅歡欣氣氛，並推動愛老敬老嘅風氣。
沙田民政事務專員余懷誠話，去年《施政報告》提出喺全港18區設置打卡點，於是沙田區決定，以建築師蕭國健設計嘅「沙田精神號」藝術裝置作為打卡點，會喺沙田大會堂外展出至明年2月底。裝置標誌着1911年本港首架動力飛機喺沙田起飛嘅壯舉，象徵着為夢想奮鬥而不懈嘅精神，亦代表沙田精神。
「沙田精神號」藝術裝置象徵着為夢想奮鬥而不懈嘅精神。
最Hit
博物館通行證長者優惠$25！全年無限次參觀17個景點！主題樂園/購物/餐廳有折 一文睇清申請詳情（2025年10月最新版）
2025-10-19 14:08 HKT
《中年好聲音》筍盤評審年邁母親受腦退化困擾 曾忘記兒子自理能力變差 努力照顧只求不用承受太多惶惑
2025-10-20 16:10 HKT
張敬軒出騷罕有「點評」司儀表現 前TVB資深新聞主播公開致歉： 我有疏忽，抱歉
2025-10-20 13:00 HKT
更多文章
