KellyChu - 黑松露奶黃 拔絲草莓奶蓋花樣多 美心創新口味月餅有驚喜 | Executive日記
KellyChu
2024-08-02 02:00 HKT
字體大小
下個月就係Kelly最愛嘅一年一度中秋節，皆因可以嘗到美味月餅，又可以同家人朋友聚首一堂。提到傳統月餅，美心至為經典，除咗堅持用傳統方式做出雙黃白蓮蓉月餅，仲不斷推出創新口味，好似今年就有流心黑松露奶黃月餅，以及拔絲草莓奶蓋風味月餅等等。旗下東海堂月餅、COVA月餅及潮式月餅，為食客帶嚟多款驚喜口味。
美心日前首次舉辦傳媒月餅品鑒會，介紹旗下多款月餅產品及包裝設計，其中雙黃白蓮蓉月餅自1998年推出至今已26年，能夠成為皇牌產品，背後製作原來極費工夫。當中用到嘅湘蓮，出自湖南省湘潭獲得良好農業生產規範認證嘅種植基地，採購團隊會多次到當地觀察及測試，確保品質，香港廠房亦會不斷研究改良食譜，因此用料至少要提前一年採購及規劃。
鹹蛋方面，大小、重量、色澤及熟成度有嚴格要求，美心堅持喺香港「洗蛋」及「打蛋」，因為新鮮打出嘅鹹蛋黃，能保留鴨蛋鮮香和油分。而出爐後嘅月餅要靜置最少7天，期間蓮蓉及蛋黃嘅油分先會慢慢滲出，令餅皮金黃油潤，口感鬆化油潤，此關鍵過程稱為「回油」。
新口味方面，小妹喜歡流心黑松露奶黃月餅，黑色外觀型格之餘，內餡係好香嘅松露味道。喺中菜餐廳先買到嘅潮式月餅，鬆化酥皮包住蛋黃及芋茸，香甜不膩適合女士，因係師傅手工製作，須3天前預訂。
KellyChu
流心黑松露奶黃月餅
最Hit
前TVB星二代自認敗家仔貼錢打工：深入民心 曾收藏一打座駕 獲Do姐「救」一命？
2025-07-03 11:00 HKT
周驄離世終年92歲 傳不敵肺炎病逝
1小時前
65歲三屆金像影后認曾整容「臉上縫89針」 曾患抑鬱5年不出門 自言現在「走路都不行」
2025-07-03 12:04 HKT
充電寶新規︱港版小米「尿袋」無3C認證？深圳地鐵/高鐵入安檢有問題？官方咁回應（附CCC認證解釋/分真假方式）
2025-07-03 13:22 HKT
羅湖口岸直擊｜新增小行李通道過關分流 港人讚便捷：不用再彎腰執袋
2025-07-03 13:10 HKT
更多文章
