KellyChu - 名建築師攝影藝術家Jeff首辦個展 | Executive日記
![Jeff Tung首次舉辦個人攝影展Sinfonia Lunare。](https://image.hkhl.hk/f/686e386/0x0/100/none/46061dd19c2c34d1fafdd7070e4a9a0b/2024-04/WNN07P02170424_.jpg)
好多人鍾意影相留念,但講到攝影,Kelly認為仍然係一門專業嘅學問,就好似攝影師董正綱(Jeff Tung),喺首次個人攝影展Sinfonia Lunare,展出其巧妙地透過相機合成嘅影像,將月亮同城市景觀和建築形態微妙結合,演繹出別具一格嘅視覺敘事,令人着迷。
Jeff係香港註冊建築師以及香港建築師學會嘅資深會員,專業經驗涵蓋混合用途、商業和酒店項目,足跡遍及香港和內地。佢除咗熱愛建築,同時醉心以美術攝影創作,專門建築、風景和街頭攝影領域。
喺Sinfonia Lunare嘅展覽作品中,Jeff探索了多種雙重曝光技術,喺拍攝時巧妙地直接透過鏡頭創建影像,將月亮同城市景觀和建築形態微妙結合,毋須借助大量嘅後製或數碼修飾,就能夠為月亮嘅面貌,賦予截然不同層次,喚起超越平凡嘅神秘。
攝影展即日起至5月17日於中環皇后大道中9號NUOVO舉行,前往參觀感受由抽象攝影與天文領域交織出嚟嘅澎湃力量喇。
KellyChu
![Jeff巧妙地運用鏡頭,將月亮同建築形態微妙結合。 Jeff巧妙地運用鏡頭,將月亮同建築形態微妙結合。](https://image.hkhl.hk/f/1024p0/0x0/100/none/f12106b7d397b85fcdd0f512230e344f/2024-04/WNN07P01170424_.jpg)
Jeff巧妙地運用鏡頭,將月亮同建築形態微妙結合。
最Hit