Cally - 東港城第十八屆新春花展會「百龍賀歲」 多款蘭花新品獨家發售|商界講呢啲
![■一眾嘉賓出席東港城第十八屆新春花展會「百龍賀歲」,主持揭幕儀式。](https://image.hkhl.hk/f/686e386/0x0/100/none/9538cdb1b23d1dfc9bff0787fa5b7b7a/2024-01/wttp015p30a_8.jpg)
新地旗下將軍澳東港城第十八屆新春花展會「百龍賀歲」,由即日起至2月9日舉行,今年東港城提供更充裕時間俾大家辦年貨,而且為咗響應連續第18年舉行新春花展會,今年特別精選18款本地培植嘅蝴蝶蘭及日本蘭花喺會場開售,當中包括全新「色系」及「香味」嘅蘭花新品獨家發售;同場亦有過百款優雅蘭花及意頭年花俾你揀O添。
今年嘅新品當中,包括有7款全新本地培植龍年精選蘭花,另有5款玲瓏系列日本皇室蘭花及4款矜貴系列日本皇室蘭花更加係首次喺香港發售。當中珊瑚色系嘅「炯炯有神」及全新香氣嘅「馥香賀歲」更加係極限量嘅創新花品,勢必熱賣!
買完花之後,可以嚟到由國際花藝大師區錦華領軍主理嘅「中式宮廷風DIY專區」,自行挑選各種精美裝飾品,由專業花藝師包裝及指導下,展現出蘭花高貴優雅嘅美態,創造出獨一無二嘅年花。
另外,東港城亦同蘭花大王父子攜手,以一百支殿堂級日本皇室蘭花「恩桃」打造「百龍賀歲」主題裝置,恩桃每株花冠比掌心更大,能盛放
8個花蕾,每株花並排而開,百支近800花蕾,氣勢非凡,為港人龍年開運,祝願大家行運一條龍。
Cally
![](https://image.hkhl.hk/f/1024p0/0x0/100/none/7b46396a994863014f32df61730c1a1a/2024-01/wttp015p30b_8.jpg)
最Hit