KellyChu - 教練現場示範 市民打星際大戰 深水埗擬下月辦激光劍賽｜Executive日記
KellyChu
2024-01-16 00:00
字體大小
政府喺全港18區推動日夜都繽紛，深水埗區議會噚日召開首次提振地區經濟會議，討論到下個月舉辦名為「光劍攻殼」嘅激光劍活動，期間會有教練現場示範，市民不但可以試玩，仲可以參加挑戰賽。大會將加入光效投影，令場地更有科幻感。Kelly期待深水埗上演星際大戰，好有趣！
深水埗民政事務處喺會議上話，黃金同高登兩個電腦商場係區內地標，數碼產品嘅形象非常鮮明，所以希望以此作為切入點，並注入新元素，舉辦「光劍攻殼」活動，吸引年輕人、動漫愛好者及市民一家大細到場，增加電腦商場嘅人流，提振地區經濟。
處方表示，屆時會有專業教練示範玩法，市民除咗可以試玩激光劍之外，亦可以參加挑戰賽，場地會加入光效投影，令氣氛更有科幻感，吸引年輕人cosplay和擺拍。
活動期間，商場及附近食肆亦會配合推出優惠，例如參加活動即可在指定零售店和餐廳獲得折扣等。
但議員就擔心激光劍有機會影響市民眼睛，提振地區經濟專責工作小組主席黃俊雄指，激光劍對眼睛嘅影響唔大，工作小組喺設計活動時已考慮到呢個問題，強調係希望用有趣嘅玩意，吸引更多人到深水埗。
另外，處方亦計劃3月喺通州街舉辦文青市集，介紹本地設計產品同埋深水埗紡織布藝文化；同月於荔枝角舉辦「花深市集」，串連區內花藝和打卡裝置。至於吉祥物「深Duck」，好快會同市民見面！
Kelly Chu
最Hit
腎不好忌吃燕麥？營養師列8大高鉀食物 1種堅果含量最高易傷腎
2024-07-25 16:03
AEON「員工餐」只售$10！普通人都買得=「窮人恩物」？網民：日日都有笑話
2024-07-25 19:14
更多文章
