KellyChu - 港隊單挑國際邁亞密 一票難求 美斯駕到 1.5萬張訓練門票送基層｜Executive日記
KellyChu
2024-01-12 00:00
字體大小
球王美斯率領嘅國際邁亞密會喺2月訪港，同港隊喺大球場對壘。不過球迷反應熱烈，實在一票難求，政府知好多人都想入場一睹球王風采，於是就同主辦方合作，向學生、基層等派發15000張門票，等佢哋下月3日可以入場睇公開訓練，期間國際邁亞密球員會同香港青年隊學員互動。另外，2月4號比賽當日，市民亦可透過免費電視睇現場直播。小妹雖然搶唔到票，但到時都會睇直播支持美斯！
國際邁亞密2月3日喺香港會有一場公開訓練，政府就同主辦方合作，免費送15000張門票畀本港學生、青年運動員、殘疾運動員及基層家庭，等佢哋可以到現場一睹美斯風采。文化體育及旅遊局局長楊潤雄就透露，主辦方到時會安排港隊和國際邁亞密部分球員，同香港青年隊學員交流互動，希望可以激發球員鬥志，並鼓勵本地年輕運動員追求足球夢。
足總主席霍啟山就話，香港球迷屆時可以近距離欣賞美斯、佐迪．艾巴等球員風采，期望喺港隊主教練安達臣帶領下，港隊會用最強陣容出戰。
特邀港隊代表艾華亦好期待賽事，形容屆時可以同世界級球員較量，心情興奮；另一名球員米基爾就話，希望港隊可以喺賽事拿到首個入球，又期待當日大球場坐滿香港球迷。
Kelly Chu
最Hit
腎不好忌吃燕麥？營養師列8大高鉀食物 1種堅果含量最高易傷腎
2024-07-25 16:03
AEON「員工餐」只售$10！普通人都買得=「窮人恩物」？網民：日日都有笑話
2024-07-25 19:14
更多文章
