KellyChu - 內地青年：睇完好有共鳴 街頭塗鴉成打卡熱點 「港言港語」勁吸睛｜Executive日記
KellyChu
2024-01-11 00:00 HKT
字體大小
Kelly之前就講過，香港仲有好多景致等大家發掘，最近又發現一個，就係街頭塗鴉！雖然好多人會話，塗鴉隨處可見無乜特別，不過近日就成為內地青年來港打卡嘅全新熱點，有人形容呢啲係「港言港語」，睇完好有共鳴，仲令人諗起「九龍皇帝」曾灶財嘅墨寶！
最近內地社交平台小紅書熱推嘅香港打卡點，就係散落各區嘅街頭塗鴉，從街道牆壁、到道路邊嘅電箱，都可發現呢啲「神秘藝術家」留下嘅作品。大部分只有短短幾句，但好多內地青年話睇完好有共鳴，例如「我不要當你的備胎，有事不要打過來」、「明明是太軟弱，偏裝作硬朗」、「唔好唔開心」、「不甘再沒骨氣，才應捨棄」、「日日趕頭趕命，你唔攰咩」等。
好多內地網民形容，呢啲廣東話文字藝術係「港言港語」，大讚香港街道處處充滿驚喜，有好多珍貴藝術有待發掘，叫大家到香港citywalk嗰陣，唔好掛住睇手機，要多留意身邊事物！
不過大家都要留意，根據法例，在未經擁有人或佔用人同意下，以粉筆、漆油或其他方式，在任何建築物、牆壁、柵欄或圍籬之上書寫或留下記號，或將之弄污或損毀其外觀均屬違法行為，唔好模仿呀！
Kelly Chu
最Hit
前TVB星二代自認敗家仔貼錢打工：深入民心 曾收藏一打座駕 獲Do姐「救」一命？
2025-07-03 11:00 HKT
65歲三屆金像影后認曾整容「臉上縫89針」 曾患抑鬱5年不出門 自言現在「走路都不行」
2025-07-03 12:04 HKT
充電寶新規︱港版小米「尿袋」無3C認證？深圳地鐵/高鐵入安檢有問題？官方咁回應（附CCC認證解釋/分真假方式）
2025-07-03 13:22 HKT
羅湖口岸直擊｜新增小行李通道過關分流 港人讚便捷：不用再彎腰執袋
2025-07-03 13:10 HKT
更多文章
