KellyChu - 星島地產新節目《專家驗磚頭》 驗樓裝修按揭一站式解疑｜Executive日記
KellyChu
2024-01-10 00:00
字體大小
買樓對香港人嚟講，可謂頭等大事，唔少人窮一生都只希望有個安樂蝸，由做按揭、成交、驗收、裝修都一絲不苟！不過Kelly聽過唔少朋友收樓後發現勁多甩漏，有啲樓宇質料差，入伙後玻璃窗仍不時滲水，亦有朋友遇人不淑，裝修爛尾唔知點收科！
如果大家都唔想收樓「一殼眼淚」，就要留意星島地產全新推出嘅節目《專家驗磚頭》，佢哋誠邀廣大市民參與，節目除咗有星島搵嚟嘅專家幫你驗樓外，仲會為大家提供裝修、按揭嘅專業意見，如果你哋有辛酸、溫情、離奇、有趣嘅上車故事想分享，又或者喺買賣樓宇過程遇到各種疑難，都可以透過電郵話畀佢哋知，向市民分享經驗，助人又自助！總之，但凡同樓有關嘅問題，都可以搵佢哋幫手㗎，快啲Mark低以下電郵啦！
《專家驗磚頭》電郵：[email protected]
Kelly Chu
最Hit
更多文章
