KellyChu - 闊別10年再訪港 市民攀山遠望黃鴨｜Executive日記
KellyChu
2023-05-27 00:00 HKT
字體大小
闊別10年，荷蘭藝術家霍夫曼（Florentijn Hofman）創作嘅巨型黃色「橡皮鴨」（Rubber Duck）又再返嚟香港，下月同大家正式見面前，日前先喺青衣附近「試水」，好多市民興致勃勃提早走去探佢。Kelly就發現，今次黃鴨唔單止多咗個「孖生」同伴，仲生高到18米，真係大個咗！
兩隻黃鴨前日喺青衣北部担杆山路船廠附近慢游「試水」，昨日就留喺船廠「休養」，唔少市民專程到船廠探呢位闊別十年嘅「老友」。但由於船廠屬私人地方，唔對外開放，大家只可以喺外面張望，不過就算淨見到黃鴨少許身軀，已經十分雀躍；部份市民就嘗試走上附近較高山路俯瞰，景觀更清晰，可以見到兩隻鴨嘅部份；亦有市民開汽車到場，知道船廠唔開放之後，無奈有啲失望離開。
不過大家唔使心急，兩隻黃鴨嚟緊會有一個海上公共藝術展覽「橡皮鴨二重暢」，詳情下月1日公佈，好快就同大家見面。Kelly就好清楚記得，2013年黃鴨初次嚟港嗰陣，身高16.5米嘅佢喺尖沙咀海港城一帶停泊咗50日，吸引大批市民到場打卡。期間仲發生小插曲，因為連接黃鴨同浮牀嘅繩索有損毁，主辦單位要洩氣修補，結果變作「片皮鴨」。
Kelly Chu
兩隻黃鴨前日喺青衣北部担杆山路船廠附近慢游「試水」，昨日就留喺船廠「休養」，唔少市民專程到船廠探呢位闊別十年嘅「老友」。但由於船廠屬私人地方，唔對外開放，大家只可以喺外面張望，不過就算淨見到黃鴨少許身軀，已經十分雀躍；部份市民就嘗試走上附近較高山路俯瞰，景觀更清晰，可以見到兩隻鴨嘅部份；亦有市民開汽車到場，知道船廠唔開放之後，無奈有啲失望離開。
不過大家唔使心急，兩隻黃鴨嚟緊會有一個海上公共藝術展覽「橡皮鴨二重暢」，詳情下月1日公佈，好快就同大家見面。Kelly就好清楚記得，2013年黃鴨初次嚟港嗰陣，身高16.5米嘅佢喺尖沙咀海港城一帶停泊咗50日，吸引大批市民到場打卡。期間仲發生小插曲，因為連接黃鴨同浮牀嘅繩索有損毁，主辦單位要洩氣修補，結果變作「片皮鴨」。
Kelly Chu
最Hit
內地人居港多年感慨「很難回去」？大讚4點生活細節 網民同感：真的好愛香港
2026-03-24 15:29 HKT
龍寶酒家葵芳總店結業！公告歸咎3大原因：由於世界形勢突變 去年要求員工放無薪假共渡時艱
2026-03-24 15:48 HKT
入境處自助服務站加設新功能！換領身份證／特區護照更方便 即睇地址/時間
2026-03-24 13:52 HKT
月入逾$5萬已婚港男 享受不求上進生活 準時放工食兩餸飯 講金句為「財富自由」下新定義｜Juicy叮
2026-03-24 13:28 HKT
更多文章
