曾智華 - 一開關，邊個發？｜祿祿無窮
曾智華
2023-02-09 00:00 HKT
字體大小
過去兩年疫情時，特區政府不停提通關、通關、通關！點解？無他，因一通關，立即百業再逢春也。
簡單，有一類業者，若全面通關，會立時彈起，正是八十年代擁有經典金曲的歌手。
中國大陸經濟起飛，製造大量富豪。呢群億億聲身家的富豪，全部55到70歲，成長期時，一律日日睇無線劇集及聽香港廣東歌，感情極之深厚。年輕時，多數由一窮二白開始捱，有幸食正改革開放，大部份發到「把把聲」後，自然想滿足內心深處的願望，以及，威吓。
乜呢？正是搵返當年的偶像唱歌畀自己聽。更正，當然能夠合唱！
於是，大量「商業演出」由此誕生。陶大宇唱到走晒音的《反轉地球》都掂過碌蔗，收N十萬一次，正因有此背景。
「商演」除滿足老闆個人期望，事實也能為新樓盤（無數內地樓盤要推售）帶來龐大宣傳效果。絕對真事，一個大灣區三線城市，為谷一個大型樓盤，傾得某一線歌手演出，三首歌另加一首Encore，付出百幾萬人仔！
咪話去到一線，就算湯寶如，單單攞住首《相思風雨中》走勻全國，也似豬籠入水。《相》乃合唱歌，張學友當然唔會做「商演」，但不少大老闆，卻想取代學友個位，與湯寶如合唱，滿足一下虛榮心。畀十萬計人仔？冇問題！
曾智華
簡單，有一類業者，若全面通關，會立時彈起，正是八十年代擁有經典金曲的歌手。
中國大陸經濟起飛，製造大量富豪。呢群億億聲身家的富豪，全部55到70歲，成長期時，一律日日睇無線劇集及聽香港廣東歌，感情極之深厚。年輕時，多數由一窮二白開始捱，有幸食正改革開放，大部份發到「把把聲」後，自然想滿足內心深處的願望，以及，威吓。
乜呢？正是搵返當年的偶像唱歌畀自己聽。更正，當然能夠合唱！
於是，大量「商業演出」由此誕生。陶大宇唱到走晒音的《反轉地球》都掂過碌蔗，收N十萬一次，正因有此背景。
「商演」除滿足老闆個人期望，事實也能為新樓盤（無數內地樓盤要推售）帶來龐大宣傳效果。絕對真事，一個大灣區三線城市，為谷一個大型樓盤，傾得某一線歌手演出，三首歌另加一首Encore，付出百幾萬人仔！
咪話去到一線，就算湯寶如，單單攞住首《相思風雨中》走勻全國，也似豬籠入水。《相》乃合唱歌，張學友當然唔會做「商演」，但不少大老闆，卻想取代學友個位，與湯寶如合唱，滿足一下虛榮心。畀十萬計人仔？冇問題！
曾智華
更多文章
