洪禮賢 - 練馬師王同樣靠估｜Chok王心得

更新時間：00:00 2022-09-05 HKT
發佈時間：00:00 2022-09-05 HKT

馬會新季將增設一項固定賠率玩意，名為練馬師王。顧名思義即係猜猜誰是賽日揸弗人。某某練馬師若某日惡馬空群而出，又拿到好成績，一眾旗下賽駒紛紛走進三甲，為他不斷攞分，自然好大機會封王。

練馬師王會唔會開出優厚賠率？我不敢說，基於騎師王已操作多年，運作完全成熟，看不到練馬師王會有「賣大包」的可能。之但係，馬友口味各不同，也許有人會喜歡這新玩意。

正常情況下，如某某練馬師出馬踴躍，變相增加攞分機會。換言之，將會提高勝出練馬師王的機會。可是雷聲大雨點小，這類請君入甕的格局，我們見得太多太多。所以，某程度上，某練馬師於某日子開唔開飯，早段場次有無聲氣，便直接與封王有很大關連。然而，作為局外人的你我，事前純粹只以表象來評估，例如以出馬多寡、賽駒實力等因素計算。但係咪真正有用呢？應該有，除非無囉。
洪禮賢