白頭Lo - 河內樓市急追胡志明市 成越南投資焦點 | 白頭Lo海外地產專欄
白頭Lo
2024-11-30 02:00
字體大小
要數呢期城中同海外樓市有關嘅新聞，就一定提到越南最大嘅地產中介喺呢個星期嚟咗香港擺展覽，仲請咗幾位越南樓市專家幫佢哋開講座𠻹。
其中喺越南發展咗十幾年嘅周俊傑（Ivan）早前同我哋同事訪問時提到，呢十幾年越南發展得好蓬勃，即使疫後外資持續湧入，亦帶動咗樓市需求。佢認為越南樓市嘅優勢係現時樓市仍然係以賣俾當地人居住為主，尚未形成炒賣泡沫。
而另一方面，喺外匯管制下，越南貨幣相對平穩，上落都唔過10%。越南亦喺中美貿易戰下成為得益者，當地經濟正持續上升並超越許多國家。
Ivan留意到河內同胡志明市供求嚴重不足，加上8月實施嘅新法例加強監管，佢認為呢個時勢同80至90年代嘅香港，或者00年代嘅國內有啲似。依家可以留意當地人熱衷嘅地方出手，相信未來兩三年內可以見到回報。
由於傳統多數人會投資喺胡志明市，造成同河內有價差，佢特別睇好河內嘅金融中心紙橋郡，以及當地嘅大規模城市發展計劃智慧城呢兩個地方，過去3年每年都上升緊15%至20%，而租金回報都有5至8厘㗎。
越南物業展銷會及講座
日期：11月30日（星期六）
時間：上午11時至晚上7時
於中午12時及下午3時設有講座
地點：銅鑼灣告士打道310號柏寧酒店26樓
查詢：9233 3603（敬請預約登記）
註：以上為嘉賓意見，不代表本報立場。
最Hit
88歲醫生必吃3大養生食物 30年沒感冒！吃1食物令頭髮變黑
2024-12-08 12:27
66歲女星肺腺癌復發！擴散至肝臟出現兩個惡性腫瘤 身體飽受摧殘：和疾病賽跑
2024-12-07 18:00
更多文章
