港車北上|香港人駕電車往內地點充電?國家政策兩地制式遲早兼容!

更新時間:17:36 2023-05-02
發佈時間:17:36 2023-05-02

等到啦,等到啦,政府終於公布大家期待已久的「港車北上」實施安排,詳情都幾複雜,不過,有朋友話,「我揸嗰架係電動車,唔知上到去充電點搞呢吓?」如果係國產電動車應該無問題,但係國際牌子,例如歐洲製造電動車,去到充電有無問題?

有關問題希望有專家教路,我最想講就係內地將會積極加建電動車充電樁,而且是習近平在中央政治局分持經濟時,特別提出這個項目。前提是國家要實現建設「實體經濟」,同時將中國工業製造現代化、優質化,在技術短板方面「迎難而上」,也要順勢而為,在這個優勢領域做大做強;國產電動車就是我們的優勢,最高層指示:「要鞏固和擴大新能源汽車發展優勢,加快推進充電樁、儲能等設施建設和配套電網改造。」國際電動車是否兼容國產充電樁?

朋友表示,如果係要成日往返港珠澳大橋,未來都要認真考慮購買國產電動車。我就話,中國係大國,有大國風範,最高原則係鼓勵綠色未來,所要興建充電樁一定會「兼容天下」。

美國比起中國同樣積極推動新能源政策,拜登總統目標是2030年所有新車,一半應為零排放汽車,包括蓄電池電動車、插電式混合動力車或者燃料電池車。不過,目前美國的進展稍慢,比例在「零頭」之內,中國新能源新車銷售佔比超過四分之一,大家可能問,點解美國行得咁慢?原因:一、美國車企話政府支持不足,即係補貼唔夠中國那麼多;二、兩黨議員制裁中國技術有共識,電動車盡量不用中國供應,如是者,咁咪落後囉。

文:黃秉華 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ