黃大仙酒樓天降老鼠茶客「嚇餐飽」親述擊中手臂遺血迹

更新時間：10:43 2026-11-09 HKT
發佈時間：10:43 2026-11-09 HKT

近期本港多區出現鼠患，有網民在社交媒體發文並上載影片，講述昨日（8日）自己在酒樓飲茶遇到老鼠從天而降的恐怖經歷。事發於早上約11時50分，事主指自己當時手抱一名4個月大的嬰兒，在黃大仙一茶樓飲茶，「突然間，一隻老鼠竟然由天花板跌落嚟！」老鼠更擊中其手臂留有血迹，最後老鼠跌在地上沒有反應，疑似死亡。

事主稱：「最恐怖嘅唔單止係老鼠從天而降，而係當時我哋仲抱住個4個月大嘅BB。如果跌歪少少，後果真係唔敢想像。」事主續講述，鄰枱有最少8名酒樓的職員正在吃飯，但事發後並沒有職員上前協助，「聽到我哋大叫之後，佢哋第一時間唔係衝過嚟了解情況，唔係關心有冇人受傷，更加唔係即時處理隻老鼠」。事主質疑酒樓職員未有主動處理事件，反而站在一旁觀望。擾攘一番後，才有職員拿來藍色膠籃遮蓋老鼠。

事件惹來熱議，有網民留言直指：「好恐怖wor！」、「又嚟一單！」亦有網民稱：「個邊不嬲都鼠患強勁」、「如果食環真係認真滅鼠就唔會周街咁多老鼠啦」，認為「食環署真係要做嘢，而家成日喺網上睇到呢啲事情真係好恐怖又唔衛生」。

↓追蹤《星島頭條》WhatsApp頻道↓