的士司機吸煙辯稱塞車「好忟」 僅開窗散味 女乘客被嗆連聲咳嗽
更新時間：12:00 2026-08-23 HKT
發佈時間：12:00 2026-08-23 HKT
發佈時間：12:00 2026-08-23 HKT
字體大小
近日網上流傳一段影片，顯示一名的士司機載客期間在車上吸煙，強迫女乘客吸食二手煙。當時現場發生交通事故導致塞車，女乘客勸止的士司機不要吸煙，豈料司機以「塞車塞到好忟」為由，未有應女乘客的要求，僅開窗散味。雙方僵持不下，女乘客怒斥司機：「你食之前係咪要問吓個客得唔得㗎？我唔食煙㗎，大佬！」不少網民直斥涉事的士司機不是，建議女乘客作出舉報。
涉事影片長約49秒，片段甫開始可見一名滿面鬍鬚的司機，駕駛的士載着女乘客，在發生交通事故的路段緩慢行駛。當時司機在的士上吸煙，後座一名女乘客禮貌地向司機表示：「司機呀，可唔可以唔好食煙，因為我鼻敏感。」司機聽罷口中噴出一口白煙，向女乘客說：「開啲窗先啦，塞到我好忟喇已經！」女乘客隨即答道：「我都好忟呀，我好躁底添呀司機，我啱啱同人打完交嚟呀！」
惟司機繼續吞雲吐霧，堅持只開窗散味。其間女乘客疑被二手煙嗆至連聲咳嗽，她帶點怒氣質問司機：「大佬...唔可以食煙卦？」、「我唔想食二手煙啫！」惟司機再表示：「咁我開窗畀你囉！」女乘客隨即怒斥：「你食之前係咪要問吓個客得唔得㗎？我唔食煙㗎，大佬！」
網民齊聲聲討涉事的士司機，直指他在車上吸煙已經違法，應該舉報：「影埋佢張司機證，舉報佢」、「呢個的士佬真係黐線，的士裏面已經有個牌寫住嚴禁吸煙啦，違者罰款$5000」。有人又揶揄：「揸的士有乘客都吸煙，真係優質的士」、「敗類」。
