爆飛甩TVB真相 陳國邦:羅敏莊慫恿我
更新時間：04:11 2015-10-22 HKT
發佈時間：00:00 2015-10-22 HKT
發佈時間：00:00 2015-10-22 HKT
字體大小
近期娛樂圈熱話之一，肯定是前後服務TVB已19年的陳國邦，在網上發出公開辭職信。信中陳國邦講到明本已答應TVB續約條件，但在加拿大演出舞台劇《相約星期二》期間思前想後，最後還是離開合作多年的娘家。這天本報獲邀到陳家作客，為陳國邦一家三口做專訪，阿邦終爆出辭職真相，因太太羅敏莊（Mimi）提醒他「可以得到更多」，令他下定決定飛甩TVB，找尋令自己開心的工作環境。撰文：杜淑霞
早在去年初，陳國邦接受本報專訪時已表明不被TVB重視，每年只拍得一劇，幸好有個好太太Mimi支持家庭開支，「如果唔係囡囡出世，可能唔續約返咗內地發展。」其實離開這個想法，阿邦由07年已開始，最近再跟公司傾談續約時，更加一發不可收拾。
可以得到更多
當日阿邦跟公司傾約時，Mimi也在身邊，阿邦本來已答應了續約條件，究竟因何會改變主意？阿邦跟Mimi對望一眼，再說：「係佢慫恿我㗎！」向來直爽的羅敏莊接着補充說：「我當時問佢，你真係咁就簽啦？」這句話猶如當頭棒喝，令阿邦重新審視自己在這工作環境下，是否仍做得開心及滿足，加上Mimi的支持及鼓勵，可以令他再無後顧之憂。
Mimi再解釋何出此言，「我覺得佢可以得到更多囉！其實唔一定要留喺TVB佢先至可以搵到滿足感，好似佢o依家做緊嘅《相約星期二》同埋舊年幫迪士尼做嘅舞台劇咁，佢雖然好倦仲瘦咗好多，但係佢返到嚟猛講畀我聽做成點，睇得出佢好開心、好有滿足感。我爸爸舊年急病離開咗之後，我諗法改變咗好多，佢都47歲，好應該搵一啲開心嘅嘢嚟做。」
讚賞變成壓力
不過Mimi只建議阿邦跟公司詳談，但他竟決定發表公開信，阿邦說：「佢（Mimi）話你咁樣返唔到轉頭，我就係唔想返到轉頭，因為我只係想表達我嘅想法，唔係要脅啲乜嘢，同埋唔想再講咁多次。（呢個做法好唔似你性格？）我真係冇諗有咁大迴響，諗住返香港做番幾個訪問就算，真係好多謝咁多人嘅鼓勵同支持。」
阿邦重申在TVB所演的角色不是沒滿足感，只是一直被讚但一直沒機會上位，這種心情令他很折磨，「我再返公司做咗15年，頭一兩年我有咁嘅諗法就話唔合理，但係咁耐日子，我聽到唔少同事嘅讚賞，好似阿祥（黎耀祥）09年得到視帝，有同事訊息我話『下個到你！』甚至聽過一啲上司係背後都話我做得好，好自然有個升職嘅欲望，但係每次都落空，後尾會覺得『你哋唔好再讚我啦！讚我又點啫！』讚賞好似變成壓力咁，如果唔離開，我好怕我會變成hea做。」
■12月正式約滿的阿邦，只有跟好兄弟黎耀祥、曹永廉和蕭正楠合作的《公公出宮》未出街，到時會否幫手宣傳？「佢哋搵我又就到時間一定會。」 
■Mimi強調一家人生活簡單，絕對可以跟阿邦有粥食粥有飯食飯。 
■阿邦對工作的用心，可以從他家中的書房看到，書櫃內除了少量囡囡的玩具書，其他大部份都是他為角色準備而買。 
■Mimi爸爸去年急病離世，令她人生觀改變不少，希望跟阿邦有生之年可以繼續做開心的事。
早在去年初，陳國邦接受本報專訪時已表明不被TVB重視，每年只拍得一劇，幸好有個好太太Mimi支持家庭開支，「如果唔係囡囡出世，可能唔續約返咗內地發展。」其實離開這個想法，阿邦由07年已開始，最近再跟公司傾談續約時，更加一發不可收拾。
可以得到更多
當日阿邦跟公司傾約時，Mimi也在身邊，阿邦本來已答應了續約條件，究竟因何會改變主意？阿邦跟Mimi對望一眼，再說：「係佢慫恿我㗎！」向來直爽的羅敏莊接着補充說：「我當時問佢，你真係咁就簽啦？」這句話猶如當頭棒喝，令阿邦重新審視自己在這工作環境下，是否仍做得開心及滿足，加上Mimi的支持及鼓勵，可以令他再無後顧之憂。
Mimi再解釋何出此言，「我覺得佢可以得到更多囉！其實唔一定要留喺TVB佢先至可以搵到滿足感，好似佢o依家做緊嘅《相約星期二》同埋舊年幫迪士尼做嘅舞台劇咁，佢雖然好倦仲瘦咗好多，但係佢返到嚟猛講畀我聽做成點，睇得出佢好開心、好有滿足感。我爸爸舊年急病離開咗之後，我諗法改變咗好多，佢都47歲，好應該搵一啲開心嘅嘢嚟做。」
讚賞變成壓力
不過Mimi只建議阿邦跟公司詳談，但他竟決定發表公開信，阿邦說：「佢（Mimi）話你咁樣返唔到轉頭，我就係唔想返到轉頭，因為我只係想表達我嘅想法，唔係要脅啲乜嘢，同埋唔想再講咁多次。（呢個做法好唔似你性格？）我真係冇諗有咁大迴響，諗住返香港做番幾個訪問就算，真係好多謝咁多人嘅鼓勵同支持。」
阿邦重申在TVB所演的角色不是沒滿足感，只是一直被讚但一直沒機會上位，這種心情令他很折磨，「我再返公司做咗15年，頭一兩年我有咁嘅諗法就話唔合理，但係咁耐日子，我聽到唔少同事嘅讚賞，好似阿祥（黎耀祥）09年得到視帝，有同事訊息我話『下個到你！』甚至聽過一啲上司係背後都話我做得好，好自然有個升職嘅欲望，但係每次都落空，後尾會覺得『你哋唔好再讚我啦！讚我又點啫！』讚賞好似變成壓力咁，如果唔離開，我好怕我會變成hea做。」
