麥明詩借特首名言反擊haters 自認有肥肉：唔使上電視，咪降低咗身形目標囉！

更新時間：14:30 2022-11-14
發佈時間：14:30 2022-11-14

「十優港姐」麥明詩雖然在2019年淡出幕前轉戰法律界轉行擔任商業顧問，在幕前演出的機會不算太多，只會間中在活動見到她的芳踪，不過麥明詩依然定時更新自己的社交平台，與網民keep住互動！近日麥明詩貼上一張活動相，相中穿上黑色緊身衫配牛仔褲，當時她聆聽對方的講解，本來成件事係普通過普通，但竟然惹來網民留言批「好多拜拜肉」，結果麥明詩選擇正面回應！

【點擊睇麥明詩靚相】：

麥明詩貼出一年前後照片並附上一張haters留言截圖，借特首金句反擊：「一年前嘅我，的確好瘦，係，今日嘅我，多咗肥肉，有肚腩。點解？以結果為目標，依家唔使上電視，咪降低咗身形目標囉（同樣道理，萬一有廣告需要，我都可以好快達到目標㗎）」

麥明詩自信大方的回應贏得網民讚賞，有人說：「邊個話瘦就係靚架？同埋，你而家都仲係好瘦！」、「自己開心就得唔洗理其他人點睇，啲人唔鐘意未唔好睇囉，睇完又要評論都唔知咩心態！」、「依家仲body shame? 幾時先可以尊重吾同人有唔同嘅身體？其實除咗自己，其他人對自己外表嘅標準一概唔重要。」

【其他閱讀】

《愛回家》演員臥虎藏龍！有人係三項鐵人港隊代表食屎陳師奶係老師！

港星攻內地市場奇招盡出！視帝吞拳頭扮土豪女星唱歌走音又甩Beat厚住面皮繼續唱

黎諾懿結婚8周年晒夫妻合照老婆身家豐厚住何文田過億複式豪宅超奢華

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ