肥媽李鼎丨鼎爺大爆一線女星遭老臨抽水提供兩線索肥媽一估即中

更新時間：20:00 2023-04-30
發佈時間：20:00 2023-04-30

TVB節目《肥媽李鼎》近日熱播中，由肥媽（Maria Cordero）、李家鼎（鼎爺）加上游嘉欣擔任主持。明晚（5月1日）播出的第四集，主題是「火爆事件簿」。愛錫家人的肥媽坦言家人是她不能被觸及的底線，她更一邊炮製「火爆酸辣粉」，一邊分享為保護兒子做過的火爆事。

【點擊睇《肥媽李鼎》下集精彩內容】：

肥媽指有一年過年，有位約19歲非常壯健的年輕人，被人用桔掟中背部，而她的當時只得2歲的兒子即時哈哈大笑，即被那位年輕人衝上前打：「（兒子）個鼻腫晒流晒血，成個面係認唔到樣，個仔一返到嚟就嗌救命，我就咁拎住把刀衝出去，一刀就劈落去，一劈佢就一縮，佢件軍褸爛咗啲棉花出晒嚟。」回憶起當時的畫面，肥媽哽咽說：「冇得傾呀呢鑊，你唔明一個做阿媽嘅感覺……佢（兒子）個鼻爛晒成個樣都唔同咗……你有咩理由咁樣打我個仔，我嘅底線就係我啲仔女。」

性格同樣火爆的鼎爺，則大爆「老臨抽水」事件，他說：「有次喺TVB拍嘢，佢係一線女演員，有個臨時演員借啲意喺度揩吓哄下，我話你搞咩嘢，佢話關你X事，我即刻着火，跟住佢就變咗豬頭喇叭嘴！」肥媽與游嘉欣即時問該女星是誰，鼎爺說：「80年代，依家返咗內地工作。」結果機智的肥媽即時說出女星的正確身份！

游嘉欣講到不少人認為肥媽和鼎爺十分躁底，肥媽坦言：「大聲唔代表我唔斯文，講粗口唔代表冇文化。」鼎爺接話：「黃霑有冇文化？佢句句都有粗口嘅。」此時，游嘉欣竟大膽說：「肥媽講得十分之流暢。」肥媽即拋窒游嘉欣說：「乜你有聽到我講粗口咩？」鼎爺則自爆講粗口獲讚賞，他笑言：「我講粗口好順耳㗎喎，有人話我講粗口有高低音Do Re Mi。」提到圈中火爆王，肥媽和鼎爺異口同聲指黃秋生性格火爆，鼎爺亦提到另一位火爆男星：「你一辣到佢，佢就癲架喇，頸筋都現埋！」

肥媽更於在節目中大爆當年與「大傻」成奎安在內地登台的經歷，兩人目擊女公關被有勢力人士打，女士被男士打理應值得同情，惟該女士衰多口惹禍，令到肥媽和大傻目擊整個過程時忍不住爆笑，肥媽更戲精上身重演該幕情境。

【其他文章】：

性感插畫家誤貼露點相被激讚「似藝術品」自爆着吊帶被日男友拉入後巷親熱

夏雨老婆61歲生日照曝光風韻猶存勝當年兒子爆阿媽秘聞讚老竇識貨

曹敏莉11歲女公眾場合大騷琴技細佬上前拍家姐心口攬攬鼓勵勁有愛

《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ