中年好聲音丨周吉佩奪冠失言「從來冇fans」遭鐵粉炮轟忘本 急撰文道歉：變成朋友關係
發佈時間：21:00 2023-04-25
TVB節目《中年好聲音》前晚（23日）舉行總決賽，「吉吉」周吉佩撼贏龍婷、李佳等大熱門，爆冷成為冠軍，連曾志偉亦坦言沒想過周吉佩會拎冠軍。不過《中年好聲音》隨即陷入「造馬」風波，而周吉佩奪冠爆喊說：「我從來都冇fans，呢個比賽令我有fans。」卻引起追隨他多年的粉絲炮轟。
【相關閱讀】：中年好聲音｜周吉佩同G.E.M.拎新人獎出碟遇金融風暴樂隊散Band 追夢同港姐老婆吵大鑊
【點擊睇周吉佩被粉絲炮轟】：
昨日有追隨周吉佩多年的粉絲在IG撰寫長文，炮轟周吉佩忘本：「認真，《中年好聲音》令到你出到名，令到你多左好多『吉士粉』。但係，我無諗過係會咁講嘢，講真佢之前係一啲都唔紅，但唔可以講佢一個fans都無。」該粉絲更指：「支持咗15年究竟得到啲咩？決賽無飛留畀我，我算，因為你要留比你班吉士粉，但聽到你講呢句真心好嬲，你有無尊重過我？」更表示「我寧願佢無參加過呢個比賽」，該粉絲還在IG tag了周吉佩。
周吉佩今日即在IG向支持多年的粉絲道歉：「首先我先講一聲『對不起』，因為我在得獎一刻太激動，講了一句『我從來都無fans』。我在08年出道那年認識了一班支持我的歌迷，後來我慢慢淡出，由fans慢慢變成了朋友的關係，甚至邀請參加我的婚禮。近十年我的身份不是歌手，所以亦沒有太多聚會，其實他們一直心裏都十分支持我，我心底裏非常感激他們。我衝口而出只是因為以前的我，沒有資格及面子擁有fans，亦因為我太耐沒試過有人支持自己。今日見到有這麼多支持我的人，實在太激動，再次感謝多年來支持我的朋友及fans。」不少粉絲亦紛紛留言支持吉吉，就連孫慧雪也留言說：「我已經係好多年嘅fans喎！」
不過炮轟周吉佩的粉絲似乎並不滿意，在吉吉IG留言：「笑咗，我連婚禮都無份出席，咁其實我係咩？」之後再在個人IG貼出昔日與周吉佩的黑白相，再撰寫長文直言「接受唔到」周吉佩的解釋，還翻舊賬指過往經常出現在他的活動，更指有次出席《中年好聲音》活動，被周吉佩叫出鏡：「仲記得當日唔係太多人肯上鏡，結果你同我講：『你支持左我咁耐，點都要講兩句。』OK，結果我都係心軟上咗鏡，講咗嘅野最後無用，但無啦啦就變咗一堆上左電視嘅吉士粉。」
【相關閱讀】：
中年好聲音丨曾志偉大爆龍婷吳大強最多Job 想搵會計師上《東張》為造馬風波解畫
吳若希大女6歲牛一被夾攻錫錫變形反白眼 生日蛋糕搵《中年好聲音》支嚳儀幫拖
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
