陳慧琳搵韓國人錄音秘密練兵1年怕失禮新歌勁高Key嗌破喉嚨談舊愛眼濕濕

更新時間：18:30 2023-04-14
發佈時間：18:30 2023-04-14

陳慧琳（Kelly）最近推出新歌《我的親人》，她表示灌錄期間心情緊張，事關韓國團隊帶同聲樂教練一起錄音，而一開始收到這首歌的key（定調）原來非常高，陳慧琳笑稱：「我問聲樂教練『係咪真係要唱呢個key㗎？』佢話『你練習用呢個key吧！』咩話？呢個係嗌破喉嚨嘅key嚟喎！」

【點擊睇陳慧琳MV】：

陳慧琳於疫情期間秘密練兵一年多，進入錄音室時她心想：「始終係面對韓國人，唱歌時不能太失禮，盡量去發揮。可能因為我練習咗一年多，唱完後佢哋都拍手讚好，我心裏頓時放鬆晒，因為能夠唱得出佢哋要嘅效果。」錄音當日，聽畢陳慧琳第一次演繹後，韓籍監製BEA YEOUN HEE即大讚她的聲線「heart warming（窩心動人）」。

除了歌曲本身震撼到陳慧琳，今次由林若寧操刀的歌詞同樣令她感觸非常：「每次讀歌詞時都會眼濕濕，因為當一個曾經愛過嘅人如今要變成親人，真係好慘，係十級嘅慘！唔能夠喺埋一齊仲要祝福佢，呢個係最傷感！」她又提到：「每次唱『如知己如姊妹對你』呢句我都打冷震！」

《我的親人》MV延續《風眼》MV的故事，在《風眼》MV最後一幕的身影正是今次的男主角謝君豪。MV中，陳慧琳與謝君豪飾演一對舊情人，年輕時謝君豪留下一張寫上「Forget Me」的名信片後不辭而別，這鬱結埋藏在陳慧琳心裏多年。到兩人長大後再次聚頭，舊畫具、名信片等物件再次出現，可惜人面全非，二人如親人般以禮相待，彼此明白到關係無法回到當年。