雯雯再割席老公張致恒 警告債主切勿騷擾家人:我真係會同你死過

更新時間:18:00 2023-03-26
發佈時間:18:00 2023-03-26

張致恒2019年與粉絲雯雯奉子成婚,張致恒隨即被爆一腳踏五船,兼向藝人朋友借錢不還。先後誕下三個囝囝的兩人近年多次鬧婚變,雯雯更稱與張致恒只是「爸爸和媽媽」的關係,還鬧爆老公「又懶又廢」,之後再與張致恒劃清界線,講明「冇錢還」。今日(26日)雯雯疑不堪追債困擾,在IG Story再與張致恒割席,更明言:「如果你騷擾到我嘅屋企,我係真係會同你死過!」

【點擊睇雯雯又呻被追數】:

雯雯日前已多次明示或暗示指遭張致恒的債主騷擾追債,今日她再以黑底白字留言與老公割席:「我喺呢度講多最後一次,要追數嘅,搵返問你借錢嘅人。不斷用唔同電話去打畀我,喺我唔同嘅平台留言訊息騷擾我,我都幫你唔到!」雯雯更語氣激動驚告債主不要騷擾她的家庭:「如果你騷擾到我嘅屋企,我係真係會同你死過,我乜嘢都唔驚!我而家只係得命一條,我每一秒,只係希望有奶粉有飯錢有屋住,畀我嘅屋企!我只係希望用我嘅時間、我嘅能力去照顧我嘅屋企!」似是直指張致恒已非她的「屋企人」,叫債主直接找對方。

張致恒與雯雯婚後是非不斷,兩人多次傳婚變外,宣佈婚訊時已被爆張致恒向鄭希怡、關智斌等借錢不還;前年3月張致恒再遭𡃁模Naomi公開指控欠債超過半年不還,卻有錢搬大屋、聘請外傭、養狗、買新電器。雯雯近日亦多次與老公劃清界線,上月初雯雯發長文指收到不少訊息轟炸,涉及張致恒欠債、出軌,她表明:「如果你搵我係想講我老公,曾經問你借錢,而又未還錢嘅,好抱歉,我都冇錢。」似乎張致恒欠下的街數不少。

雯雯月初在IG大呻家中經濟拮据,更透露冇錢讓小朋友搭車返學;數日後雯雯再貼文表示:「每一日講最多就係『冇同未有』,咁我又可以點?」疑似再為錢銀一事煩惱。雯雯近日自力更新,開設寵物食品及童裝網店搵錢養3個仔及3隻狗,不過又指將淘寶貨當成韓國貨,更疑似販賣未經授權商品。不過雯雯隨即發表聲明,指是從香港批發途徑取貨,更說:「其實淘寶都有韓國人開户口做生意,唔係淨係得中國人。」

【其他閱讀】

《愛回家》二太震撼眼球!69歲蘇恩磁狙擊26歲何沛珈 着黑絲跳椅子艷舞色誘個仔?

張國榮逝世20周年大量生前珍貴片段逐格睇 鍾楚紅張曼玉《日落巴黎》成絕響

61歲林偉近照顯消瘦劇迷憂健康再出問題 曾抱恙割膽中氣變差 中港兩地走頻撲密密賺

《星島申訴王》於3月1日隆重登場,節目為民請命抱不平、追蹤城中熱話,亦會搜羅溫情小故事。你申訴,我跟進,搵91999933,《星島申訴王》隨時候命!
立即報料:https://bit.ly/3IMunqd
你的獨家報料一旦被採用及報導,將獲得乙份獎品。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ