陳慧琳再辧慈善義賣紓尊降貴踎低執鞋貼地用「平民恩物」獲網民激讚

更新時間：22:30 2023-03-24
發佈時間：22:30 2023-03-24

陳慧琳去年12月與13歲大仔劉昇發生交通意外，雖然她已經痊癒，但日車禍後首度出席公開活動，在接受訪問時就透露事發一刻仍心有餘悸，又展示額上的疤痕，又指大仔因此事有創傷後遺症。

即使陳慧琳仍然未敢駕車，但一向為善不甘後人的她原來最近一直籌備新一輪慈善義賣，更已經租好場地兼放好物資，隨時開賣。她表示：「我同我一班義工已經開始準備緊喇。我儲咗好多精品，數量真係多到數都數唔晒㗎。今次嘅貨品由大人至細路嘅，高擋至到極平嘅都有」。

【點擊睇陳慧琳最新一次慈善義賣的場地】：

陳慧琳貴為天后級人馬，收藏的珍寶當然是精品中的精品。但同時陳慧琳亦非常之貼地，不單只親自落場理貨，更加識得平民恩物「紅白藍膠袋」去運載貨物，還紓尊降貴踎地執鞋，難怪陳慧琳即使半退出娛樂圈但仍然深受網民愛戴！

其實陳慧琳早於2002年就成立陳慧琳兒童助學基金會，多年來在內地興建小學據知已經超過50間。而慈善義賣亦非首次，對上一次2017年，陳慧琳當時便將賣衫的收入撥作兒童基金會的運作。陳慧琳的善舉眾多，例如2010年青海玉樹地震，除了參加賑災義演，她更以兒子名義捐款50萬；亦曾經將自己在時裝發佈會的30萬酬勞會部捐獻；2016年更當選國家禁毒委授予的「中國禁毒大使」，果然係善心爆棚！