余德丞試食牛鞭太硬剪唔斷 原隻牛眼放燒烤爐獵奇畫面嚇到面容扭曲
發佈時間：19:30 2023-03-01
余德丞最近與「龍志權」王雍泰及圈中3位同性戀者《全民造星》的陳君浩（阿Bu）、《仔仔一堂》的陳皓雲（Howard）、歌手黃凱逸（Zelos）拍攝ViuTV節目《粉紅麻甩101》。前晚（27日）播出的一集，作為「麻甩」代表的余德丞和龍志權被帶去gel甲，節目下半部份五男去燒肉，竟然要食雞子、牛眼、甚至原條牛鞭，個個都食到乸晒口面！
【點擊睇余德丞食牛鞭】：
余德丞和龍志權體驗完gel甲後，到日式燒肉店燒肉，原本大歎和牛等美食大快朵頤，豈料龍志權之後搬出雞子、原隻牛眼、原條牛鞭、牛腰、牛韌帶等食材，嚇到眾人立刻大叫，Howard更指着牛眼說：「咪住！呢個係伊藤潤二漫畫出現。」阿Bu更面容扭曲說：「牛鞭原隻上，真係幾恐怖。」身為「麻甩」代表的余德丞亦說：「雖然我係一個麻甩佬，但我都好少生勾勾見得到佢，有啲驚嚇！」
龍志權先燒雞子，余德丞更大叫說：「我好驚粒雞子燒燒吓會爆啊！」之後龍志權更將原隻牛眼放上燒烤網，雖然龍志權一直口講「試吓啫。」全場都睇到面有難色，更直指似《美國恐怖故事》（American Horror Story），余德丞還笑說：「你拍《人在野》冇嘢食咩？」隨後龍志權夾起牛鞭，眾人即大叫：「好核突然！」龍志權之後更拿起鉸剪，大大力剪牛鞭，場面嚇人，燒到一半余德丞更彈起身遠離燒烤爐。
到試食階段，余德丞勉強將已切碎的雞子放入口中，不過認真品評：「可能燒嘅關係，有啲燒汁喺度，味道唔算太衰，同埋佢燒得算乾身，唔算好潺、好粉，呢個已經係我人生極限。」不過之後余德丞要繼續試食牛鞭，他未試食已說：「好似有啲啫喱狀喺側邊嘅……」接着鼓起勇氣將牛鞭放入口咀嚼：「唔似牛筋。」又指牛鞭似雞軟骨。而牛眼則同時被阿Bu、Howard及Zelos同時評價好硬。
【其他閱讀】：
王菲私人IG疑曝光！與謝霆鋒私密照流出被瘋傳 分手傳聞不攻自破
黃心穎懶理復出負評陪全家露營慶祝 一個原因以110萬購鯉灣天下車位
長腿女神曾淑雅著低胸bra top開班教普拉提 清一色麻甩佬學生畫面超震撼
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
