「食屎陳師奶」遭同事學生朋友質疑 孫慧蓮:係名之嘛,我唔做壞事咪得囉!

更新時間:13:29 2023-01-30
發佈時間:13:29 2023-01-30

TVB劇《愛‧回家之開心速遞》曾創造了不少經典角色,其中不得不提的,當然是與根叔飾演「歡喜冤家」的「食屎陳師奶」孫慧蓮,連富商劉鑾雄(大劉)都曾經在記者會上表示每晚都睇TVB處境劇《愛·回家之開心速遞》,形容她是「呢個係諸師奶、八師奶」!不過近日她甚少現身《愛回家》,原來她去了美國探望女兒和孫女一家,預計下月初回港再投入拍攝工作。而出發前夕,孫慧蓮曾經接受《演藝人協會》的訪問,今年已經84歲的孫慧蓮,退休前任職教師,退休後由教育界轉戰演藝界,對於「食屎陳師奶」這個角色,原來曾經不少人質疑她為何會飾演,不過孫慧蓮覺得:「係名之嘛,你本人唔食屎咪得囉!」
 

【點擊睇「食屎陳師奶」精采演出】:


對於「食屎陳師奶」這個角色,孫慧蓮坦言引起好多市民對我嘅認識:「如果講代表作,唯一就係呢個,因為我拍咗好長時間;有啲朋友同事話『乜你食屎呀?咁你都肯做?我話係名之嘛,你本人唔食屎咪得囉,呢個世界上有冇食屎吖?我啲學生都話『有冇搞錯呀?孫主任,咁你都做。』我話『做戲之嘛,做出人生百態,有乜唔好啫!我唔做壞事咪得囉,食屎唔係壞事,但有冇人食屎吖?』你做嗰行就投入嗰行。」早前她更向TVB請假美國探親,下月初將會返港,雖然大女和孫仔在外地生活,但她未打算移民,因為她最鍾意係香港:「而家人老咗更加唔想麻煩啲後生,慶幸我呢個年紀,仲可以一個人飛去美國探佢哋。」

【其他文章】:

甘比14歲大女劉秀樺最新側臉照激似媽媽仙氣爆棚 皮膚白淨文青味濃為社企餐廳沖咖啡

鍾楚紅62歲春風滿臉性感透Bra若隱若現 去紐西蘭旅行睇羊駝

鍾嘉欣細女扮可愛兔仔拜年 首度公開囡囡中文名竟與自己經典角色撞名

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ