萬千星輝2022|53歲郭可盈高清特寫鏡頭零皺紋皮膚白滑狀態驚人 呂良偉現老態撞樣黃浩然?

更新時間:12:00 2023-01-09
發佈時間:12:00 2023-01-09

《萬千星輝頒獎典禮2022》昨晚(8日)完滿結束,16個獎項全部頒發,而今年在頒獎嘉賓方面甚有驚喜,包括陶大宇、梁榮忠、余安安、葉童、鄭則士及吳啟華等,當中負責頒發「最受歡迎電視男角色」及「最佳男主角」的,是曾在《富貴門》合作的TVB前花旦郭可盈及呂良偉。兩人都以盛裝出席,郭可盈穿上金色低胸貼身晚裝裙,相當高貴大方,而呂良偉則以黑色西裝亮相。

【點擊睇郭可盈呂良偉靚相】:

現年53歲的郭可盈在直播鏡頭下依然皮膚白滑,多個特寫鏡頭都見到她全臉不同角度沒有皺紋,臉部皮膚相當水潤,保養得極好。反觀呂良偉在大頭高清鏡頭下就略現老態,雙眼眼尾現皺紋,側臉更被網民指似黃浩然,不過以66歲之齡來說,同樣是保養得宜,精神飽滿。

郭可盈與呂良偉負責頒發「最受歡迎電視男角色」及「最佳男主角」兩獎,兩人在頒獎前笑言已有十多年沒有返TVB,又指兩人自從拍攝《富貴門》後便再沒重聚。呂良偉笑問郭可盈今次回來擔任頒獎嘉賓是否有其他意思?暗示郭可盈可能返TVB拍劇,但她指「TVB咁多好劇當然拍吓無妨」,但笑指自己條件很多,「上班時間有啲要求」,呂良偉則笑言「曾志偉係我朋友,佢依家係曾總經理,你有咩要求我同佢講」,最後呂良偉說:「你返嚟我就返!」

 

 

【其他文章】:

萬千星輝頒獎典禮2022丨陳貝兒冧莊獲最佳女主持:我要話畀大家聽我係一個港女

萬千星輝頒獎典禮2022丨曾志偉親領「最佳綜藝節目」獎 錢嘉樂感激獲提拔由龍虎武師變主持

萬千星輝頒獎典禮2022丨郭柏妍入行兩年獲女飛躍 哽咽多謝胡定欣:我會記住帶粉餅

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ