MIRROR演唱會丨Mo爸見愛子心痛匿廁所嚎哭 形容阿Mo康復進度係神蹟
發佈時間：16:00 2022-12-23
男團MIRROR今年7月舉行演唱會發生嚴重意外，在意外受重傷的舞蹈員李啟言（阿Mo）目前已離開深切治療部（ICU）並脫離呼吸機，並開始接受中醫康復治療。阿Mo父母在意外發生後，立刻從加拿大返回香港，一直悉心照顧兒子，身為牧師的Mo爸李盛林牧師亦每周發代禱信，交代最新情況。Mo爸近日以影片形式現身林以諾牧師的佈道會，分享自己事發後的感受，多次講到哽咽，更坦言數度躲在洗手間嚎哭。
Mo爸在佈道會中憶述當日事發經過：「大約三個月前，當時我仲喺加拿大，一知道呢個消息，好震驚、好愕然，冇諗到喺表演台上可以有咁嚴重嘅事情出現。」作為父母，Mo爸感到難以面對：「睇返一秒前同一秒後，我哋嘅仔好唔同。背後有好多傷痛、眼淚，特別某幾次企喺病床側邊就諗起好活潑嘅仔，轉換姿勢都要人幫助，我哋覺得好自然、好正常嘅舉動都係要人幫，好幾次喺佢身邊覺得好困難。」
今次阿Mo的事件亦令作為牧師的Mo重新思考信仰，他在分享中亦一直感謝信仰的支持，並以詩篇23篇及詩篇27篇其中一句金句：「我若不信在活人之地得見耶和華的恩惠，就早已喪膽了。」分享表示自己若不是神的恩典就「喪膽」。Mo爸亦形容阿Mo能夠這麼快離開ICU及脫離呼吸機是神蹟，同時多次醫護人員的悉心照顧。
Mo爸指每過一關對他與太太亦是重大挑戰，但跨過一個難關的同時，亦要面對另一個難關，而且只是一線之差，隨時「有機會令到佢生命冇咗」，作為父母面對如此困境，Mo爸坦言：「好困難，但每次嘅困難都係同屋企人、太太一齊祈禱。好幾次我自己一個人喺洗手嚎哭，呢個嚎哭係因為見到個仔嘅情況好心痛，但係每一次喺轉機裏面帶來嘅危機，都係靠住神嘅恩典。」
Mo爸又表示他們每日都會錄一段短片，講聖經、生活：「我記得有一次我同太太去一個畀傷殘人士嘅科技展，睇下有冇新科技適合佢，我哋傳咗畀佢，佢睇到之後喊。佢喊係諗唔到爸爸媽媽，為佢可以做好多嘅嘢，佢諗唔到佢哥哥、姐姐、阿嫂、女朋友係可以為佢做好多嘢，所以我哋見到佢咁都不期然咁喊出嚟。」令人非常心酸。
【其他閱讀】：
楊明入獄首日獲女友帶日用品探望 莊思明與愛人分開18日心情淡定
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
