73歲顏國樑宣布將結婚 耗盡積蓄治癌取傷殘津貼感謝另一半照顧
發佈時間：17:00 2022-12-07
TVB經典處境劇《香港81》飾演「陳積」的顏國樑，日前與同劇演員「順嫂」梁葆貞及「康仔」李成昌驚喜現身台慶。顏國樑透露身體不適，令聲音改變，因在聲帶發現腫瘤名為「鱗狀細胞癌」，導致聲線受影響變高音。近日他接受潘盈慧《StarTalk》訪問，大談病況及經濟問題，樂觀的他淡然看生死，更早已簽下離世後做大體老師，盼死仍可貢獻社會。
【點擊睇顏國樑談病情】：
現年73歲的顏國樑於2008年離開TVB後，因練太極發現可以養氣提神，對身體有幫助，逐成為太極宗師傳授心法。直到他無意下發現自己聲音沙啞，原服中藥但過了一個月未見好轉，再轉向西醫求診，當時又準備開劇，便提早兩個月去做檢查，怎料揭發患上鱗狀細胞癌，亦因病房令其聲帶受壓，導致聲線改變。
顏國樑淡然面對病情，憶述當時得知患病時的反應，他說：「我答佢（醫生）係咩？『哦！我2013年參加咗港大嘅大體老師計劃，咁而家張卡係咪畀你？』呢個唔係講笑，我知道做大體老師嘅人，當佢一離世，遺體就要即時處理，所以先會咁同醫生講。」他坦言等上天安排，如果可以做到就回饋社會，最重要不要太辛苦。
談到經濟狀況，顏國樑直言：「做唔到嘢做廢人啦！我都有攞傷殘津貼，每個月都有2,000幾（元）㗎。雖然化療啲嘢好鬼貴，（每個月）一針39,600元，仲要我好彩喎，如果你身體裡面啲細胞唔夠呢，唔係有錢都可以做到，要攞你身體入面啲嘢化驗，你有冇嗰樣嘢，你有喇，先至可以做，無資助好慘㗎。」
主持問他有沒有壓力時，顏國樑說：「點會冇呀！我真係炫富子弟呀？富二代呀？唔好玩啦！我TVB打工㗎咋以前。（花晒積蓄喺治療上？）係呀！好似燒道符咁囉，銀紙符。（會唔會有啲擔心？）到時唔得咪嗌吓救命囉，邊個唔得唔該可憐吓我，畀啲醫藥費我。」他表示若非現身台慶，其實沒有跟朋友講有事：「你一話有事需要資助，係人都走㗎喇！唔好做啲令人驚、令人驚恐嘅嘢。他還透露將會與另一半註冊，給「太太」一個名份。
【其他文章】：
法證先鋒V｜江欣燕演苦命媽媽演技大爆發 喊戲一Take過：我廿世加埋都冇咁苦
張致恒老婆雯雯又暗示婚變 直認性格問題「勉強唔到」預告明年有新生活
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
