58歲龔慈恩保養得宜成凍齡美人 囡囡林愷鈴盡得真傳勁有仙氣
發佈時間：18:30 2022-11-25
入行38年的龔慈恩，出名保養得宜，是次不但要飾演病重的繆妙，更要分飾年青時風華絕代的繆妙，難得一點都沒有違和感，她感激監製和編劇為她創造這個角色：「繆妙係我從演以嚟最討好嘅角色，喺佢死咗之後仍得到好多人嘅愛，呢樣好難得。至於劇裏面演後生版要經過好多團隊嘅幫忙，包括攝影、燈光、化妝、後期製作等，好多謝大家幫我塑造呢件事。」她更特別感激祥仔鼓勵她放開去演：「我有啲古板啲嘅觀念，一把年紀要演啲比較恩愛嘅場口，唔係好放得開去做，好多謝導演同祥哥一直鼓勵我放開去演，同埋依家年代唔同，喺街上好多退休夫婦都好 Sweet，其實不論咩年紀，兩夫婦都應該去互相痛愛對方，呢個先係正確嘅態度。」
【點擊睇龔慈恩昔日凍齡相】：
劇中有不少古裝造型及吊威吔場面，龔慈恩笑言從不抗拒吊威吔：「不嬲都覺得幾好玩，反而擔心某啲動作做得比較笨拙，始終依家年紀大未必做到佢哋要求，但今次表現都 OK。」她更稱最愛白色系的古裝：「我幾鍾意演古裝，以前試過喺幾個月內演晒人、鬼、神三種唔同古裝角色，仲要同一時間都係着白色衫，感覺都幾特別。」
龔慈恩明年「登六」，女兒林愷鈴亦加入娛樂圈拍劇，不過站在一起，凍齡有術的龔慈恩一點都不覺得有老態，反而感覺姊妹多過母女，龔慈恩曾經在訪問上自認貪靚，一向注重好保養：「要凍齡其實真係好難，不過依家女士30歲靚過20歲，40歲靚過30歲。依家冇醜嘅女人，只有懶嘅女人，最緊要勤力去保養自己下功夫。
【其他文章】：
高海寧反地心吸力證天生好身材 瑜伽倒立上圍依然震撼網民心心眼
顏國樑患鱗狀癌三期多次走出鬼門關 願做大體老師令生命更有意義
王菲謝霆鋒傳情變 歷多次離合與張柏芝陷三角戀糾纏23年 8年前世紀復合轟動全城
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
