陳山聰首次參加親子旅行興奮過Jaco 報讀隱世幼稚園望囝囝有愉快童年
發佈時間：14:30 2022-11-24
即將入行30年的陳山聰，今年事業走勢凌厲，先後播出共6套主演劇集，包括兩套台慶劇《美麗戰場》及《超能使者》，有指今年視帝之戰是他和林敏驄的「驄聰之爭」！事業發展順利當然重要，不過對陳山聰而言，家庭絕對排第一位，工作以外，他幾乎將大部份時間陪囝囝，日前更參加親子旅行，一家三口齊齊去農莊玩了一整天，事後在社交平台貼上旅行相並說：「旅行去得多同大佬學校親子旅行都係第一次#你快樂所以我快樂 #爸爸媽媽陪你健康快樂成長 #享受當下 #快樂無價 #玩到唔捨得走 #放晒我啲電」接着陳山聰在活動上亦表示當日很開心，不過回到家中「成家人上晒床瞓晏覺」！
【點擊睇陳山聰親子旅行有幾好玩】：
有仔萬事足的陳山聰，為了令兒子陳霆軒（Jaco）有個愉快的童年，安排囝囝入讀家中附近的隱世好學校栢基海韻幼稚園（PIPS），雖然行學券制，要按教育局規定改用本地課程，不過仍保留國際課程特色，推行雙班主任制，一名外籍老師加一名本地老師作雙語教學，能兼顧以英文為母語的外籍學生，故吸引不少外籍家長送子女入讀，似足一間國際學校。
陳山聰曾經在訪問上表示，他未有想過自己有一天會成為爸爸，BB出世前，因疫情無法上育兒課程而比Apple(太太何麗萍)更有「產前抑鬱」』，幸好他頗有湊仔及當爸爸的天份，很便上手，他更自認是慈父，一定寵壞囝囝。陳山聰又稱最想傳達給囝囝做人要有堅持的信念：「我好希望佢能夠識得自己去面對自己，因為我經過好多成功與失敗、好多重要嘅經歷。當然有人幫你梗係好，但冇人幫就只能靠自己。」山聰又稱小時候家中並不富裕，爸爸和哥哥都是苦盡甘來捱出來：「我而家擁有嘅嘢都係靠我自己捱番嚟，我覺得小朋友更需要明白，「捱」即係付出嘅意思，雖然付出唔一定有正比收穫，但你唔付出，收穫一定係零，所以我要教囝囝要學識付出。」
【其他閱讀】
劉心悠花2,250萬「一炮過」買單幢村屋 逾2千呎有戶外花園屋內環境全曝光
世界盃2022丨盤點最靚體育女主持！準人妻張嘉殷晒白滑長腿 麥麗怡纖腰吸睛
向太年輕美貌堪稱女神 患腦下垂腫瘤腹部一周內暴脹似懷孕9個月瘋狂發福：不要人比人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
