東張西望丨8歲貴婦狗沖涼反被剪舌頭全臉濺血 永久不能自行進食
發佈時間：23:00 2022-10-17
TVB節目《東張西望》今晚（17日）又接獲有狗主求助，表示自己的狗狗到寵物店沖涼期間，遭美容師剪傷狗狗的舌頭，結果搞到流血不止。狗狗女主人Cherrie表示，當日她的丈夫帶8歲大的貴婦狗Hana去寵物店沖涼，大約過了45分鐘接獲電話，表示Hana被的舌頭被剪傷，叫她們立即到寵物美容店：「嗰陣我哋一見到小狗，佢成面都係血，職員當解釋話剪到小狗條脷，之後我哋即刻送去醫院急救。」
【點擊睇意外追討過程】：
Cherrie表示經過醫生診治後，發現舌頭貼了一些皮膚用的止血粉：「其實呢啲藥唔係咁適合貼喺條脷上面，因為會食咗落肚，但係因為流咗太多血，覺得唔適宜移動條脷同傷口，所以叫我哋返去寵物美容店問番傷口有幾長。」但當她們返回寵物店了解受傷過程的時候，竟然對方一直不聞不問，最後唯有報警求助，其後見到負責人出現，於是Cherrie便上前了解：「最初負責人話我太細聲，聽唔到我講乜，之後我咪大聲啲，點知佢就話：『你呢個係乜嘢態度？仲乜咁大聲同我講嘢？又唔係整傷我條脷，我點知啫，你咪依法追討我囉！』」
因為事件未有證據涉及虐畜，所以只能視為單一事件而未有立案，但翻查資料，發現事件中寵物美容店過往亦曾經類似事件，在社交媒體亦曾經有苦主出PO，表示自己的寵物被弄傷，不過至今仍未有人站出來追究，Cherrie解釋：「可能係因為被人以惡相待，所以咪息事寧人。」後來《東張》亦有向寵物美容店了解，負責人表示目前正了解整件事，當日狗主亦曾報警：「當時我哋已經打算送去隔離嘅獸醫診所，但係嗰陣佢哋休息，所以我哋即刻通知狗主，其他詳情仲了解中。」對於被指「又唔係整傷我條脷，我點知啫，你咪依法追討我囉！」一事，負責人則否認有講過類似說話：「我都係喺網上聽到呢啲說話，我哋而家就唔會回答你！都係了解咗件事先。」
至於貴婦狗Hana目前的情況，Cherrie說：「而家要長時間觀察，最差係條脷會分開一半，而且亦唔可以靠條脷食嘢，只可以絞碎食物再用針筒餵，不過佢心情都好差，唔係好肯食嘢。」幸好覆診後，醫生表示康復情況理想，有望回復昔日情況。
【其他文章】：
盤點女星剪髮「炒車」慘況！港姐冠軍剪男人頭慘被轟又肥又腫 靚女主播剪齊蔭減齡變加齡？
周柏豪北上拍綜藝扮女人出奇地靚女 綠眼影粉紅嘴超紅腮紅單眼放電
網民封呢位女神係港產片史上最靚影星 連林青霞王祖賢都輸畀佢？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
