18歲DSE考生畢業旅行遊北京+大阪 獲家人資助$8000網上問「合理嗎？」 網民葡萄：有資助要感恩
發佈時間：18:17 2025-06-09 HKT
踏入6月、7月，不少應屆DSE考生都會在等待放榜期間安排畢業旅行，與朋友來一場青春之旅。近日，一位18歲DSE考生正準備到北京及大阪旅行，表示其家人資助$8000機票連住宿，並於網上發文：「合理嗎？定係我身在福中不知福」。帖文引起網民熱烈討論，有網民羨慕「有家人資助要感恩」，也有網民認為「睇完唔想生仔，畀錢都仲嫌」。
家人資助$8000畢業旅行去北京+大阪 DSE考生好奇問「合理嗎？」
經歷完DSE之後，有不少應屆考生準備由中學升讀大學，迎接人生新篇章。在此之前，不少畢業生會安排與同學或朋友來一場畢業旅行，在等待放榜期間放鬆一下。近日一位18歲DSE考生於網上發文，表示家人將資助$8000的機票連住宿，讓他到8天北京及5天日本大阪的畢業旅行，「屋企人淨係俾$8000我去8日北京同5日大阪」，事主好奇問此金額「Make sense嗎（合理嗎）？定係我身在福中不知福」。
帖文引來網民熱烈討論，有網民認為事主要感恩，也有網民認為他的「淨係」略有不知足之意，狠批「有本事就連嗰$8000都咪X要！『淨係比八千』」。事主其後有解釋自己用錯字眼，實情是「想問$8000夠唔夠」，同時認為畢業旅行非必要，「奈何小弟太嚮往到外面見識，所以會儲錢去，父母資助就當bonus」。事主後來再補充自己考完DSE後也有返工「儲到少少錢」，惟要請祖父母及其他家人食飯，「咁就冇咗一半錢」，不過他還會繼續賺錢，「咁我咪又再賺吓，最多呢個月啲錢洗晒」。
網民羨慕：有家人資助係好幸福嘅事
不乏網民批評事主，「一定係你屋企人唔啱，淨係比得$8000雞碎咁少」、「16歲基本上已經可以返part-time，18歲自己都儲唔到少少錢去玩，咁真係要檢討吓」、「唔make sense，正常應該1蚊都唔比你」、「你去旅行做咩屋企人要俾錢你」。不過，也有網民羨慕事主能夠獲得家人的資助及支持，「我人生遺憾係冇去過畢業旅行，因為媽媽要我自己返工搵錢先有得去，但我儲到錢啲朋友去晒了」。
有網民則理性分析，以$8000的資助金額來說，要去齊到兩個地方旅行應是不足夠的，猜測其父母有機會是想他嘗試自行想辦法賺旅費，建議他不妨打工儲錢或縮減行程，「我覺得你剛完DSE時間點你即刻打工先好去旅行也太不切實際，可跟父母談借錢，約好去完旅行就打工還他們」、「你自己計一計，扣埋機票住宿覺得唔夠就唔好去咁多日」、「幾時去？會唔會呢段時間返下part-time幫補吓旅費，可以用得鬆動啲」。
文:RY
資料及圖片來源:Threads
延伸閱讀：遊日注意！日本將推入境新制JESTA 遊客出發前須先線上申報+付費 港澳台免簽地區都要 旅日達人估計收這價…
