沙田早晨│葉楚航肉緊兩戰馬
更新時間：16:35 2025-07-07 HKT
發佈時間：16:35 2025-07-07 HKT
發佈時間：16:35 2025-07-07 HKT
字體大小
馬季收咧在即，晨課出跳馬減少好多，與此同時參戰馬比過往早出現，好似葉廄「優才」同「俏郎中」，早於五點零五分出跳，兩駒同樣火力俱佳，走勢譽滿欄邊。更吸引是葉楚航過往較少到機坪接馬，然而這兩駒出跳後他現身機坪，急不及待向兩位鞍上人追問。
「駿奕快車」騎練密密斟
出跳馬不多，現身操馬騎師亦少，就算有到操馬數目有限，好似奧爾民操了幾匹馬算較多了。今朝此子五點二十三分出現，一如既往即試愛駒「幸運派彩」，大約去到六點十分試今次參戰馬「駿奕快車」，最矚目課前課後姚本輝都到機坪主持大局，捉住阿民密斟。
奧爾民六點十分試今次參戰馬「駿奕快車」(圖)，最矚目課前課後姚本輝都到機坪主持大局，捉住阿民密斟。
