沙田早晨│「愛馬善」米高金睛火眼
更新時間：20:51 2025-07-03 HKT
發佈時間：21:00 2025-07-03 HKT
發佈時間：21:00 2025-07-03 HKT
字體大小
今朝鄭俊偉未夠五點半已現身烽火台，並第一時間安排「愛馬善」由助手策往大圈出跳，期間練者靠在窗口位金睛火眼睇到實，之後再趕去馬房大閘口接馬，動態非比尋常。事實上，此駒今季大熟大勇，已經四度建功，今次跑番二班賽亦佔優勢，值得再次睇高一線。
「錶之星球」阿游急住問
「光年魅力」九戰取得四冠一亞兩季一殿，游達榮首季開倉即引入到呢匹好馬，盡顯買馬眼光，難怪未到季尾已爆倉。再看對上六次田戰次次有馬贏，風頭一時無兩。今次游廄馬必要看好，尤其係「錶之星球」，事關今朝出跳阿游跟出跟入，課後更立即向鞍上人追問。
今朝「錶之星球」出跳前後游達榮跟出跟入，課後更立即向鞍上人追問。
