兩消防員涉輪姦案 控方指事主不敵首被告全日游說才赴約見面 男方即晚更要求留宿事主家中遭拒

兩名時任消防員涉於酒店房內輪姦26歲醉酒女友人案今續審，首被告李浩田繼續出庭自辯，並接受控方盤問。李與女事主在事發前8年曾在同一服裝店工作，控方讀出兩人見面前的訊息紀錄，李稱「個陣時番（服裝店）覺得你好正」，而李欲邀請女方飲酒時，女方表明：「我聽日打針」、「我唔飲酒」、「我講咗番屋企食飯」、「今日好攰」，李本來說：「唔得喎，咁耐無飲，點都要陪我飲吓（酒）」，最終建議女方前來「飲杯果汁傾吓偈」。

失聯多年IG重新聯繫

31歲首被告李浩田及29歲次被告陳卓軒同被控一項強姦罪，他們否認於2021年8月20日，在香港九龍旺角太子道西193號新世紀廣場帝京酒店978號房，強姦女事主X。

首被告李浩田今接受控方盤問，提及李在2014年於某服裝店工作時認識X，兩人是Facebook朋友，而李在IG追蹤X，承認一直關注X的IG帳戶，留意到X多年來IG帳戶不時轉換公開或私人的設定。李在2021年8月4日回覆X的圖片，指：「仲以為你去咗外國」，X回覆：「Who are you? （你是誰？）」，李自我介紹後X指：「嘩！我哋好多年無見喎！你好似都無乜變咁」，李笑稱：「有呀，年紀大左」。

邀約諾士佛臺飲酒被拒

李向X發訊息指：「個陣時番（服裝店）覺得你好正，哈哈哈」，「不如搵日食飯或者飲杯嘢」，X笑稱：「依家無咁正啦，哈哈哈」。李在2021年8月8日指他十分想去尖沙咀諾士佛臺飲酒，他等朋友回覆時，向X表明「無人我就自己去，我真係好想飲嘢」，X回覆：「有無人去呀？最衰我聽日打針啦」，「如果佢哋唔去，我唔飲酒，飲其他都得嘅」。李即說：「唔得喎，咁耐無飲，點都要陪我飲吓」。X則指：「咁就下次先飲啦，我聽日番早，唔想飲酒」，而李過了一會兒，又向X發訊息指：「定你過嚟⋯⋯飲杯果汁，傾吓偈囉⋯⋯我今晚點都要落去諾士佛臺」，X則說：「我講咗番屋企食飯，今日好攰」。當X知道李有其他朋友都會去飲酒時，X回覆：「你哋去啦，我怕尷尬」。X最後因李的三催四請而赴約，當晚是事隔8年首次與李見面。

否認刻意營造X熱情開放

控方指出，李明知X住諾士佛臺附近及當晚十分想見X，李刻意營造到X熱情開朗，性格開放，樂意陪他飲酒，但其實X願意外出飲酒，也全因李全日不斷說服X，X才出門見李。李稱：「我唔同意，我一直好尊重佢嘅決定」。李指X當晚飲了3杯雞尾酒及2杯烈酒，控方則指X因翌日需打疫苗，實質只飲了無酒精飲品，李則否認。

要求留宿X寓所

X凌晨時分傳訊息告訴李她已回家，但李傳相片並指「好大雨走唔到」，又稱「我個朋友醉醉哋，我想扔佢去隔離酒店」，X笑說：「你哋一齊瞓啦」，李則回覆：「我唔制！你收留我就得」。李繼續問可否上X家留宿，又問X有沒有拖鞋，指他的鞋已全濕。李最終與男友人在酒店留宿，翌日早上向X傳訊息指：「仲以為你會收留我添！你下次真係要收留我呀！我個朋友好廢」。

第2次見面在酒店

控方指李與X在2021年8月8日至8月16日一直在IG寒暄閒聊，而案發當日即8月20日，李問X「得唔得閒？」X稱：「得！飲嘢？」，李則指：「係。生痱滋，要飲鬼佬涼茶，下火」。X答應後指：「See you later（待會兒見）」。李承認事先買2支伏特加、5支韓國燒酒、果汁、水壺、膠杯、冰粒等物品後，登記入住帝京酒店，再到酒店房整頓，而X事先不知道他們將在帝京酒店見面，只知李在晚上六時許會在旺角接她。

當時已跟女友分手

控方提出，李聲稱在2021年7月分手，但警方在9月8日上門拘捕李時，當時現場有一名吳姓女子。李解釋他和吳當時已和平分手，此前屬情侶半同居關係，拘捕當日吳在執拾行李。控方引述李早前供稱X當時清醒又「肉緊」，李伸手解胸圍扣摸胸，X想「啜錫」其頸部，但他「驚有『咖哩雞』，所以推開X」，控方質疑「衫都唔洗除？大家咁猴擒？」李則稱：「我會形容為互動」。

怕有「咖哩雞」所以推開X

控方又指李「咁享受」，為何會「驚有咖哩雞」？李解釋：「咖哩雞會停留幾日，會俾人睇到」，控方質疑李為有同居女友的成年男子，有性伴不足為奇，指出事發時其實李與吳姓女友同住，而李不想有「咖哩雞」是怕吳發現，李否認並回應：「就算同居女友整咖哩雞，我都唔同意」。

與X親吻屬情慾接觸無打算發展男女朋友關係

李承認他對X比對其他朋友有興趣，但完全沒有想過與X發展男女朋友關係，X沒有發送過任何提及性行為的訊息，入酒店房前兩人也無親密行為控方質疑李的供詞，反問為何李目睹陳摸X大腿及X雙腿「誘惑」時，均沒有阻止該些行為，李則反覆指：「我眼中佢係清醒，飲酒又不多，所以無阻止上述行為」。李指他與X親吻純粹是情慾上接觸，完全不打算與X有進一步發展，而X雙腿「誘惑」時「令我好驚訝，我有心跳感覺」。

否認與次被告乘人之危侵犯醉酒X

控方質疑李「完全作故仔」，實情是X當時爛醉如泥、不省人事，兩個大男人乘人之危侵犯X，X一直非自願地被兩名被告性侵。李稱：「我完全唔同意」。控方指李供稱他「做足前戲」，準備好性交，卻不能勃起，整件事不合情理，質疑事情屬虛構，事實是李趁X不清醒下強姦X。李否認並稱：「我講嘅嘢合理，亦都係事實 」。控方續問X為他「手淫都無反應？」，李回答：「無錯」。

案件下周一續。

案件編號：HCCC230/2024
法庭記者：劉曉曦