五索自揭想過坐正嫁馬清鏗 認視富豪為事業跳板卻遭騙千萬 早部署分身家：最緊要有錢
發佈時間：17:00 2025-07-08 HKT
現年34歲、網紅「五索」鍾睿心（Rachel）因爆出與已婚大生銀行主席馬清鏗暗交9年，二人育有4名仔女，之後火速成名成為紅人。五索昨晚於ViuTV節目《晚吹—怨女俱樂部》再度爆料，坦認曾想過坐正，並視馬清鏗為事業跳板，無奈自己做生意卻被呃慘蝕千萬，但馬清鏗竟然表現開心。五索謂現時的心態是結婚與否也沒有所謂，最緊要是銀行有錢。
五索被騙8位數馬清鏗好開心
五索於訪問中十分坦白，她當小三並跟富豪生4個小朋友，是希望用馬清鏗當事業跳板，自己做生意獲利，但卻因投資餐廳和時裝店被騙約千萬港元。五索指馬清鏗早已警告她小心被騙，最後不出他所料，五索指馬清鏗竟然十分開心，因為他變成勝利者：「我人生從未見過佢咁開心，見到我被人呃錢佢最開心」，五索直指馬清鏗「變態」：「嗰啲錢係佢喎」。
相關閱讀：「最強小三」五索自豪床上功夫了得基因強誕4胎 激吻照曝光懷疑林作炒作爆料
五索不介意不結婚最緊要有錢
五索被主持問到有否想過坐正，五索表示：「講真真係有，有幻想過同佢結婚，有一段時間係超愛佢，直頭好想同佢求婚，但後尾好清醒，相處多一兩年真係覺得唔結婚好啲，日日對住一個人，屙屁又見到，屙屎又見到，最核突嗰一面，覺得有好多嘢大家一齊就好，唔使搞咁多儀式。」有合就可能有分，五索亦想過會分手：「我一早已經拎晒要有嘅嘢，保障我嘅嘢」，亦考慮過分身家的問題：「分身家？呢樣嘢我一早同佢講咗，結唔結婚冇所謂，但我要銀行有錢，我要我名下要有嘅嘢。」
五索生仔後騙父母替朋友照顧
五索於節目中亦自揭原生家庭十分貧窮，爸爸是名校工，媽媽則當侍應，另外還有一個姐姐。五索指當時住在街市樓上，晚上經常有蟑螂爬進姐姐被窩，樓下亦結聚了不少吸毒人士，她十分害怕會被強姦。對於家人是否接受她做小三？五索表示曾隱瞞父母多年：「因為我好瘦，大肚唔係好睇得出」，到生下孩子後，就謊稱替朋友照顧，拖了2、3年才告知他們真相。
相關閱讀：父親節2025丨五索數馬清鏗「好爸爸」優點 突爆料因一事欠一句道歉長達7年
