80年代金牌綠葉眾叛親離？玩粗口諧音花名辣㷫前輩 一線巨星好友全疏遠 曾被年輕女友影裸照
發佈時間：10:00 2025-06-29 HKT
80年代拍過《殭屍系列》和《霸王花》系列而人氣急升的樓南光，曾經憑《殭屍先生》隊長「阿威」入圍第5屆《香港電影金像獎》最佳新演員及最佳男配角，其後轉戰電視，拍過處境劇集《真情》、《刑事偵緝檔案》等。回歸前曾帶同妻女移民加拿大。
樓南光自爆失蹤多年原因
樓南光在2000年回流港工作，近年北上發展，甚少在香港現身。日前樓南光罕現楊紹源的YouTube頻道，他自爆失蹤多年原因，原來他因口臭而愧對前妻、娛樂圈朋友：「原來我得罪好多人，仲要唔係一次，真係羞愧，我係愧對我身邊嘅人，有人話我到而家眼耳口鼻都齊，真係執到。」
相關閱讀：80年代金牌綠葉近況令人擔憂 極速衰老外貌與當年截然不同 曾自爆年輕女友為一事操刀影裸照
樓南光愧對身邊人：
樓南光連出名好脾氣的李香琴都得罪
71歲的樓南光入行50年，雖然一直不乏演出機會，但脾氣暴躁兼惡劣性格，得罪過不少人，連吳君如、黃日華等人都疏遠了。今次在訪問上，樓南光說：「其實係我做錯多過人哋做錯，你點可能對住呢個傻佬、癲佬好好咁生活？我最起碼應該係冇咗條脷，把口真係太臭。」連出名好脾氣的李香琴，得悉與樓南光同場後一度掟頭套，樓南光說：「之前我同琴姐講：『你個頭有冇臭到？可唔可以叫你臭琴？』講完我都唔知錯，諗住好玩，佢真係從來未試過，嗰次佢掟頭套話樓南光喺度我唔拍。」直到疫情發生後，樓南光為免隔離索性在內地居住，一住就住了3年半，竟令他有所覺悟：「嗰陣識得沉澱、去思考、去自省一下， 原來包括我自己的家庭狀態，原來任何女人喺我身邊都係悽涼，先睇到自己真真正正係PK，嗰啲對生活、對人生、對人際、對朋友關，原來都係好疏離。」
樓南光一開始不覺得自己係癲
樓南光續說：「嗰陣我嘅心態係冇咪冇囉，但原來係唔得， A man cannot be an island嘅意思係你唔可以將自己變成一個孤島，你始終都要拉攏。好似胡楓，你畀咗9次佢嘅電話我，我都係冇勇氣同佢聯絡，我拎住電話撳咗一半就收線，我唔知同佢講乜好。我諗我一生人，所有我所有認識嘅人，只要喺我身邊出現過，我都愧對，尤其係工作伙伴。」直到周而復始在海邊日落，令樓南光覺悟：「我係是有腦嘅的人，但我就是用咗個傻佬嘅方法，真的羞愧。我一開始唔覺得自己係癲，天天漁港開幕我走去鬧老細，之後拍戲郁有一個同我好friend嘅演員話我真係好好運，到而家眼耳口鼻都齊，真係執到。」樓南光坦言：「我唔係昧著良心講， 我真係改咗好多， 因為我真係喺嗰三年半，睇到自己過往嘅負面，我以為係好玩，但係邊個同你玩啫？」
相關閱讀：80年代林正英「御用殭屍」撞樣謝賢？大受內地粉絲歡迎 珍藏36年假牙都有人搶
林正英「御用殭屍」張榮祥撞樣謝賢？
樓南光曾自爆女拍下自己的裸照
樓南光在1992帶同妻女移民加拿大，當時由高峰期一日跑七組戲變為零：「加拿大嘅生活節奏好慢，每日喺睇看日出日落，慢慢發現原來呢個沉澱程序好重要，人會變得清澈，睇到好多嘢，慢慢會變得清醒，睇法唔會再庸俗。」不過樓南光最終在2000年回流香港，當時走去修讀「婚姻調解員」：「考完調解牌後，最後都係冇做調解員。嗰陣喺好流行『二奶村』，個個嚟搵我都係有出軌問題，我點解要幫呢班麻甩佬？」結果他又返回娛樂圈工作，可惜亦因「能醫不自醫」而離婚收場，幸好近年與兩女仍保持聯絡，樓南光亦找到「第二春」，他曾表示與女友相差18年，算是「父女戀」，樓南光亦曾自爆女友經常都會拍下自己的裸照，她是想提醒自己要減肥，亦完全不擔心自己的裸照外流，這種互動純粹只是兩人相處的情趣。本來樓南光曾稱完成手頭上的工作再考慮給她名份，不過多年來都未有消息公布！
