港鐵女乘客慘中「指甲彈」一身都係 剪指甲大媽竟然咁樣解圍 網民嘔心揭更地獄經驗｜Juicy叮
發佈時間：15:47 2025-05-27 HKT
剪指甲碎片會四散，港鐵女乘客便慘中「指甲彈」，被身旁正在剪指甲的大媽彈到一身都係。出事後，大媽竟然「笑笑口咁喺件衫度執返啲指甲」當作解圍。網民對這「中彈」經歷都感到相當嘔心，有人更加順勢揭出更地獄的「中彈」見聞。詳情見下圖及下文：
港鐵車廂剪指甲碎片四散 港女慘「中彈」一身都係逐張睇↓↓↓↓
樓主：喺我件衫度執返啲指甲
樓主昨日（26日）在社交平台Threads上載相片發帖，指「本身我坐喺黑色衫男士個位，之後綠衫婆婆坐埋嚟就冇啦啦喺到剪指甲，仲彈到我件衫都係，佢仲笑笑口咁喺我件衫度執返啲指甲，我即刻起身走咗」。
相中有位坐的綠衣大媽留有長指甲，當時正拿著指甲鉗埋首修甲。網民對其行為都嗤之以鼻，建議樓主「鬧Ｘ佢 」、「直斥其非」、「同佢講你喺屋企呀？剪指甲返屋企啦」、「鬧爆佢啦，呢啲人真係唔使俾面啦。鬧到佢面懵懵就啱！唔鬧唔知醒」。
有人則講出自己的心聲「我會即刻彈開，因為我好怕聽到指甲鉗聲！」，還有網民反問「佢哋平時喺屋企做乜？ 」，擔心「佢剪完指甲，會唔會除鞋剪埋腳甲？」。
相關閱讀：企正銅鑼灣鋪頭門口剪指甲 大叔遭公審慘變「無頭東宮」 網民爆笑改圖連阿Bob都受牽連？
網民：大叔站著剪彈落乘客塊面
對於樓主的生動描述，有網民形容為「有畫面」，並稱「睇到佢喺你件衫執指甲笑咗」；有人更細心地留意到「佢條褲都有（指甲碎）」。接著，網民都分享有關當眾剪指甲的所見所聞，有人提到「見住啲人喺快餐店食住剪，剪落地下」，這還不特址，有網民爆出更地獄的經歷——
•佢都算好係坐喺度，我目擊過有個阿伯企喺度剪，彈落坐喺度啲乘客塊面；
•今日排緊隊等上地鐵，都有個肥Ｘ喺我後邊剪指甲，即刻排過隔籬車廂 ，之後仲好意思望返我；
•真人真事，坐小巴我試過半開縮骨遮去擋隔籬個剪指甲呀蟬（嬸），我真係好怕佢啲指甲彈過嚟；
•我之前都遇過呀，我叫佢唔好再剪，剪到一地都係，佢話關我咩事，我於是拍片，跟住佢就郁手搶我手機，我拍晒片放晒網，啲道得Ｘ就鬧我點解唔行開喎，點解要出聲鬧佢喎。
根據《港鐵附例》第25條「乘客不得造成滋擾」，「任何人不得在列車上或在鐵路處所任何部分作出對其他乘客造成滋擾或煩擾的行為」，違例著可被罰款$5000。
資料來源：jy_choyi＠Threads
相關閱讀：惡阿伯輕鐵「歪理」剪指甲：「邊有規矩唔畀剪指甲啊！」目擊者：佢話自己住過美國又講英文↓↓↓↓
網絡熱傳有阿伯在輕鐵剪指甲被阻，竟發惡怒吼：「邊有規矩唔畀剪指甲啊！」並即場發表一輪「歪理」，令人側目，目擊乘客表示：「佢話自己住過美國又講英文。」事發在3月28日，有兩名網民先後出帖講述該名阿伯的缺德行為，事件經過如下↓↓↓↓
