知名港漫主筆邱福龍稱被恐嚇：「有人同我講將有黑社會上我公司！」罕有出Po爆因由｜Juicy叮
發佈時間：17:48 2025-05-14 HKT
知名港漫主筆邱福龍聲稱被人恐嚇，他昨日（13日）及今日（14日）罕有在Facebook出帖爆事件因由：「有人同我講將會有黑社會上我公司！我真係有啲驚......」事件引發網民熱烈關注。
1978年入行的邱福龍，縱橫港漫近半世紀，早年追隨有「漫畫教父」之稱的黃玉郎三十多年，曾任玉皇朝的藝術總監，《龍虎門》、《如來神掌》、《醉拳》等多本經典漫畫的彩色封面，均出自他手。據維基百科資料，邱福龍開創了香港漫畫以人手繪製彩圖（水墨及彩稿製作）的先河。
知名港漫主筆邱福龍稱被恐嚇：「有人同我講將會有黑社會上我公司！」罕有出Po爆因由↓↓↓↓
邱福龍：我真係有啲驚......
邱福龍昨日（13日）晚上，突然在其個人Facebook專頁出帖，聲稱被人恐嚇：「有人同我講將會有黑社會上我公司！我真係有啲驚......真係唔好迫我搵警察！我香港同澳門都有的朋友！」
由於他過往一直只在FB專頁談工作及作品，鮮談及個人恩怨，此帖文一出，引發大批網民留言關注。
不少網民建議邱福龍報警備案：「咁真係要報警啊，小心啲。」「報警，恐嚇。」「報定警先，但唔需要太驚。」「咩事吖？報咗警先穩陣。」「備案先，出入小心。」邱福龍對於網民留言未有回應。
邱福龍今日再發帖講黑社會登門事件因由
邱福龍今日（14日）下午再出帖細說事件因由，他表示：「......我昨天（13日）講的所為(謂)黑社會登門事件因由......」
他表示：「其實我向來好少講個（過）呢D咁嘅事件！我多數只係講我嘅工作同作品。」
他說：「點解我要係fb出p（Po）......重點其實我不是怕什麼黑人物」，「原因我需要警告一些人......不要喺我現在嘅狀態落井下石......所有後果係自己申請嘅......」
稱有人「落井下石」：我需要警告一些人......
邱福龍表示，他昨日帖文一出，引發不少親朋即時關注，「當我一出FB post冇15分鐘！身處加拿大的家姐，看見我fb十分擔心我，我說放心！我唔會有事。」
「跟手身處澳門朋友也立即致電找我，問我事情！乜嘢人夠膽搞你？果D係乜嘢人物乜嘢黑社會背景等！......收線之後隨即四方八面朋友，也問我相同問題！」
他對於Facebook覆蓋之廣及快深感震驚，並多謝親朋的問候：「只係短短十五分鐘半個地球也知......我電話響過不停，同一問題我答咗幾十次，搞到成晚不能工作，十分無奈......大家有心，邱福龍。」
面對港漫市場萎縮，邱福龍仍積極創作推出新作品，至今仍是港漫的主要健將，他近年推出較著名的港漫包括《鐵將縱橫》、《山海逆戰》、《虎甲人》及《龍神》。
同場加映：黃玉郎放棄《小流氓》版權 經典港漫《龍虎門》版權紛爭終極結果揭盅
