母子凌晨3點闖觀塘工廈偷單車！CCTV斷正興奮推走單車畫面 醫療公司籲盡快歸還：唔追究仲送全新單車畀你
發佈時間：14:52 2025-09-16 HKT
觀塘工廈驚現偷單車賊！近日，位於觀塘鴻圖道工廈的一間醫護及急救專門店在社交平台發文，指停泊門外的單於本月14日凌晨3時被一對母子偷走，同時上傳CCTV片段，正好錄低二人興奮推走單車的畫面。對此，店家表示只要對方歸還單車，「我哋唔單止唔追究，仲會送一部全新單車畀你，幫你實現單車夢」，即看下文了解詳情。
母子凌晨3點闖觀塘工廈偷單車！CCTV斷正興奮推走單車畫面
近日，位於觀塘鴻圖道工廈的醫護及急救專門店在Threads以「尋單車啟事 ， 兼送你一個單車夢」為題發文，稱其停泊在門外的單車被一對母子偷走，更附上CCTV片段證明。從影片的時間顯示，當時正值凌晨3時22分，一對母子穿著拖鞋走到店舖門外，並在單車堆中推出一部單車，期間兒子更興奮「跳跳紮」，整個過程不足1分鐘，單車已然被偷走。
公司在帖文中表示，指明白擁有一部屬於自己的單車是開心事，「尤其見到你哋半夜三更，著住拖鞋，專程嚟到工廠大廈，充分體現到你哋對於單車嘅熱情。」不過由於該單車對公司的日常運作至關重要，故呼籲二人可盡快歸還單車，「我哋有經常工作要用到呢部單車，少咗佢真係有點頭痛。」老闆更大方表示，只要肯將單車歸還，「我哋唔單止唔追究，仲會送一部全新單車畀你，幫你實現單車夢，將來仲有機會加入我哋嘅單車隊添呀。」
醫療公司籲盡快歸還兼送新單車 網民反應兩極：以為棄置唔要 VS 有心偷嘢
帖文引起網民熱議，有人認為母子二人是故意盜竊，「凌晨3點22分特登走上嚟拎走部單車」、「半夜三更走上工廈，又有幾部泊埋一齊都照拎，擺明偷啦」、「總共好似有3部單車，單車上面有公司名嘅牌，咁都以為唔要？」
另一方面，有網民則認為單車置於門外且未有上鎖，有機會被誤認是棄置單車，因此才被人推走自用，「比（俾）我偷嚟賣就拎晒所有啦，我覺得似以為棄置唔要，所以拎1部用」、「就咁擺門口無鎖啲車，以為係唔要嘅都唔出奇」、「放喺堆紙皮同回收桶附近，俾人誤會係棄置嘅真係唔出奇。」
與此同時，有網民反對店方的處理方式，認為這樣只會助長歪風，「報警啦，唔好搞彎（搞軭）晒啦，偷完嘢仲有部新單車」、「偷完野（嘢）仲送架全新嘅比（俾）個賊？鼓勵盜竊？」
圖片及資料來源：Threads@mersltd
文：Y
延伸閱讀：港女凌晨旺角買蛋糕呻中伏！稱收舖前平賣$16/件 買3件竟收$50？質問店員獲1回應被惹怒：分明想呃錢
