餐廳請人驚遇「見工替身」?WhatsApp對話1反應揭「返工嘅係第二個人」 網民籲小心:請錯黑工就大鑊

更新時間:14:40 2025-07-30 HKT
發佈時間:14:40 2025-07-30 HKT

餐廳請人驚遇「見工替身」?有餐廳負責人於網上分享招聘員工時的奇人奇事,當取錄前來見工的應徵者後,驚見「返工嘅係第二個人」?幸好,事主在正式上班前憑WhatsApp對話揭破事件,不少網民對此經歷嘖嘖稱奇,並提醒僱主要多加小心,萬一錯聘黑工後果嚴重,詳情即看下文!

餐廳招聘員工驚遇「見工替身」 WhatsApp對話1反應遭揭破

一位餐廳負責人早前於社交平台上分享驚遇「見工替身」的經歷!事主表示,餐廳打算聘請一位「廚房姐姐」,原本已透過WhatsApp進行篩選,「因為有啲真係廣東話都唔識講,我有見過啲好假嘅身份證。」

在經過面試後,餐廳方面已決定出人選,惟正式上班當日,該名「新員工」透過WhatsApp聯絡事主,表示已到達餐廳附近「但搵唔到」,事主因此而起疑心,回覆指「你上過去見工你應該知邊度」,當對方指忘記餐廳位置時,事主幾乎可以確認「返工嘅係第二個人」,從而揭破是次「見工替身」事件。

事主指出,對方「一開始仲好努力扮緊係佢自己黎(嚟)」,當被揭穿為「見工替身」後,亦承認是本人應徵,但真正上班的卻是其表妹,並解釋指因已找到新工作,又稱「表妹啱啱辭職」及「表妹很年輕,做嘢好快手嘅」。

而事主則以「我哋係見過你,叫你返工,唔係叫一個我地(哋)未見過嘅人」為由婉拒。

網民呼籲僱主要小心 「代見工」或涉及虛假文書

不少網民對事主的經歷嘖嘖稱奇,並提醒見工時要查看應徵人的身份證明文件,慎防請錯黑工,而事主亦有留言回應,強調每次面試都先看身份證,直言「有見過啲好假嘅身份證」,並補充指「冇(無)俾到呢個人返工的」、「直接叫佢走咗啦,直頭唔需要睇身份證, 因為根本唔係同一個人。」

同時亦有人指出,「見工替身」可大可小,因見工需呈交身份證明文件,有可能涉及虛假文書,有需要可向勞工處備案及報警,以防被人舉報請黑工,以及涉及欺詐出糧的問題。

文:TF

資料及圖片來源:Threads

延伸閱讀:爭鮮疑再爆公關災難?港女見工坦白1病遭店員當場撕爛申請表 網民斥:可以唔請但必須尊重 店方咁回應......