新同事如廁頻繁留「震撼污漬」！港女崩潰呻核突「好想叫佢自己清潔返」網民笑：濕熱先有痕跡

更新時間：13:06 2025-07-10 HKT
發佈時間：13:06 2025-07-10 HKT

返工人有三急是人之常情，而在公司的共用廁所，保持乾淨整潔是每位同事的責任。最近，有港女於網上大呻實習同事屢次在馬桶留下「顯眼痕跡」，卻從未主動清理，崩潰直呼：「每次佢去完都好大片痕跡黐住喺上面，真係勁核突！」發文求助網友：「想知叫同事清潔返自己去完廁所嘅痕跡會唔會好過份？」惹網民爆笑，笑言：「濕熱先有痕跡！」

新同事如廁頻繁留「震撼污漬」！港女崩潰呻核突「好想叫佢自己清潔返」

最近有網民於Threads發文，指公司只有5個員工，平時辦公室清潔全靠自律，而洗手間一直保持得乾乾淨淨。然而，公司最近新來一位實習同事，不但如廁頻繁「每日屙兩次屎」，每次如廁後馬桶更會留下大量「屎跡」！更離譜的是，廁所明明齊備紙巾、廁所刷及清潔劑，但新同事似乎無視這些清潔用品，每次留下「一片狼藉」就揚長而去，樓主無奈幫手執手尾，崩潰大呻：「一兩次都唔緊要，但次次都係咁就真係頂唔順！」

樓主續指：「考慮緊貼一張告示，叫各位同事去完廁所自己清理返。」但又擔心此舉會否太過份，或讓新同事感到被針對，於是發文求助網友：「想知叫同事清潔返自己去完廁所嘅痕跡會唔會好過份？」

網民笑：濕熱先有痕跡！

樓主的遭遇令不少網民感到同情，紛紛留言批評該位同事「好無公德心」，支持樓主向對方反映問題：「唔喺自己屋企，啲人梗係唔理」、「見到啲便便跡痴喺個馬桶度，真係好核突」、「而家好多人慣咗一冚廁板按沖廁就走，其實可以確定一下自己督屎有冇確實沖走到先。」、「唔單止係觀感問題，仲係好嚴重嘅衛生問題」、「咁大個人去廁所都要人教」、「如果你知係邊個做，未行埋佢同佢講叫佢下次整理好廁所先好離開廁所，不過都要出通告同貼告示。」

有人認為如廁完畢順手清潔是基本責任：「細公司係要自己清」、「如果係細公司，一向都好清潔就一定要講。等佢知道規矩要自己跟手清潔返。」亦有人留言笑指：「濕熱先有痕跡」、「情況比較嚴峻，考慮貼街招同廁所使用說明書」、「一日兩次…反而好奇點解咁多屎痾」

來源：Threads