本地食肆收貨「潛規則」引熱議！清晨放門外無人理網民憂食材易變壞籲「唔好喺街食豆製品」行內人現身解畫……

更新時間：15:53 2025-06-25 HKT
發佈時間：15:53 2025-06-25 HKT

本地食肆的食物安全問題向來受市民關注，最近有網民指出觀察到部分「街舖」食肆都有一套「不成文」的收貨規矩，食材由清早到貨開始便直接放在門外，直至有職員上班為止，加上香港夏季炎熱，對食材的新鮮度及衛生情況產生疑慮，引起一眾網民熱議，更有人表示「天熱唔好喺街食豆腐製品」。有從事蔬菜批發行業的網民現身留言解畫1原因需在清早送貨，希望市民可以「先了解後再講」，即看下文了解詳情！

本地食肆收貨「潛規則」引熱議！網民憂天熱食材易變壞

有網民在社交平台Threads分享帖文，指部分本地食肆在收貨時都會採用一套不成文規定，運送食材的批發商多於清晨時份已將新鮮食材送到餐廳門外，直至有職員上班準備開店。網民強調「唔係針對任何一間食肆」，不過香港夏季炎熱，「熱起上嚟可以全日三十幾度」，憂慮食材長時間放置在室溫環境，甚至未有妥善冷藏會容易變壞，「尤其係豆製品好易變壞」。

帖文引起不少網民留言討論，認為這個處理方法或有機會導致食材容易變壞，又擔心放在人來人往的街道上會有衛生問題，「大把鋪頭凌晨放門口，夜晚條街仲要好多小強係街行過」、「其實知道香港凍倉點出貨，你就唔會敢食生野，2-3個鐘（或以上）溶雪都係基本」、「蔬菜可接受，但我見過有冰鮮肉都係咁放門口，然後個發泡膠箱流晒血水出嚟…」、「所以天熱唔好喺街食豆腐製品」。

蔬菜批發商留言解畫：先了解後再講

有自稱從事蔬菜批發商的網民現身留言，表示食材批發商多由凌晨就開始工作，「啲車要早出避免塞車，唔係淨係派一單，仲有我哋包裝得好好嘅入面會有冰水樽保溫」，希望市民可以多了解相關工作內容及要求，「如果唔認識嘅，先了解後再講」。留言獲不少網友支持，「真，我做開餐廳咁收貨都無事」、「認同，每行都有每行嘅操作，只會係用家先知，如果有問題，收貨嗰個都會出聲」、「其實運輸要掌握好交通、時間、泊車真係超級有挑戰，再講樓主可以觀察耐啲入面既保溫係點先發表意見」

另一方面，亦有網民反駁樓主的看法，「預製又話預製，新鮮又話唔新鮮，樣樣做好啲又話太貴……你做X埋佢啦」、「主要係店鋪就集中早上6至9開門準備食材，你要運輸6至9同一般上班族人車爭路，送貨時間就唔穩定，仲要用多好多人手，咁點送？」；有曾飲食業從業員的網民則指出，「咁菜檔送貨通常0400至0600呢d時間，一般都未開門喎，你叫送貨佬等你開門？同埋一般菜檔都會有樽裝冰係入面…… 」。

資料來源：Threads