港人網購健身套餐投訴送漏貨客服咁處理遭轟「離晒大譜」網民笑稱：確保你再幫襯！

更新時間：13:15 2025-06-08 HKT
發佈時間：13:15 2025-06-08 HKT

近年即食雞胸大行其道，不少有健身習慣的港人都會以即食雞胸或蛋白質高的食品為主食，經網上商店購買更可以大手入貨，方便繁忙的都市人。不過，最近有網民在社交平台分享，指日前經一間網上商店購買套餐，包括主食、即食雞胸及飲品，到貨後卻發現主食「失蹤」，隨即向網店客服查詢，惟最後客服提供的解決方法令事主大感不滿，直言：「真係痴線！2025仲有呢啲客服？」

港人網購健身套餐投訴送漏貨客服咁處理遭轟「離晒大譜」

近日，有港人經一間主打即食雞胸的網店購入包含主食（炒飯或三文治）、即食雞胸及蛋白飲品的套餐，惟事主收貨後發現包裹只有即食雞胸及蛋白飲品，沒有炒飯及三文治。事主透過WhatsApp向網店客服查詢，客服表示是負責執貨的同事「執漏咗」，需先研究一下處理方法。至翌日，客服稱由於補送費用較高，故向事主提出於下張訂單補送缺失的產品，並送上額外9折優惠。

然而事主批評處理手法「離晒大譜」，不滿表示「你哋送漏咗嘢，叫我再買先補返嚟？」又指出今次事件並非單一失誤，以往亦曾發生訂單延誤送貨，事主坦言：「每一次嘅處理，都係要我去承受你哋出錯嘅後果⋯⋯咁唔洗Mark送貨日同時時段啦，即係收咗錢，鍾意幾時送，送幾多，點送係你哋決定？」

網民分享同類事件斥「慣犯」：迫你下次幫襯，無限輪迴

有曾光顧的網民指出該網店有「慣犯」之嫌，「根本就係慣犯，執貨同事每次都執漏仲未捨得炒，而且唔會補送又唔肯退錢，迫你下次幫襯，無限輪迴，啲生意就可以長做長有」、「之前都試過，知你班人一定食會幫襯，確保你下次會下單」、「原來唔只我一個，我上個月11號買左雞胸同奶昔，佢15號淨係到左奶昔，問左先知冇貨，19號話下個星期會收貨補番，但係到而家仲未收到，一直係度拖」，感到相當無奈。

另一方面，有網民則認為客服態度及處理手法沒有問題，「其實我覺得Ok喎，下張單送番埋嚟再加10% off ，態度又好」、「人地係問如果下張單之後補送比你可以嗎？都無話一定要咁做，仲要比多個9折你。真心覺得客服態度一啲都唔X，反而你啲態度真係X啦」。

不過言論隨即被其他網民反駁，認為事件重點不在於事主的對答態度，而是商家的處理手法，「其實真係你自己（網店）做錯野在先，就算運費貴，舖頭都有責任補鑊，舖頭出運費送過黎又好，即時退錢又好，但至少唔係下單補翻咁樣處理。」、「咁你叫外賣我送漏咗個飯俾你，同你講聽日你再叫多次補返俾你又得唔得，咩道理？做錯送漏嘢唔洗負責返額外成本？」

官方回應：已檢討客服回應承諾改善「漏貨」補救措施

帖文公開後，官方亦有就事件作出回應，除了向事主致歉及進行全單退款，同時會重新審視執貨及物流流程，亦已檢討客服回應及補救措施，承諾日後如有任何漏貨問題，會一律立刻將遺漏貨品退款，如客人之後再有新訂單，會免費贈送上次遺漏之相關貨品。此外，官方解釋近日出現送貨延誤的原因，主要是由於廠商船期延誤，影響本地運輸日程，日後將列明預購商品的預計到貨日期，增加透明度。

同時，由於帖文留言區有自稱是該店的員工留言，對此店方澄清「我們並沒有安排任何同事作任何留言，任何以本公司同事身份留言者均與本公司無任何僱傭關係，亦並不代表本公司嘅立場」。

來源：Threads