全港超市排名？港人分14大超市做「上中下等」引熱議 網民：冇排呢間唔公平！
發佈時間：10:00 2025-05-11 HKT
香港有大量不同的連鎖超級市場品牌，有網民就在香港討論區LIHKG以「香港超市排名」為題發文，將本地多個超市按「階級」進行排名，當中「U購select」被評為最低等，屬於「下下等人」超市，引發網民激辯，高呼「唔公平！」
超市分上中下等？全港14大連鎖超市排名
點擊睇網民評選14大超級市場排名：
該名網民在帖文中列出香港超市的「階級排名」，將不同超市按所謂的「上等人」至「下下等人」進行分類，位列「上等人」的超市包括「city'super」「APITA」及「great」，而「下等人」及「下下等人」則分別為「TASTE」、「Market Place」以及「百佳」、「惠康」等，排名最後的是「U購select」。
該網民以地段、環境、產品種類及客人質素等作為評定基準，例如，「下等人level（惠康）嘅野3hreesixty都買到，但係city'super買唔到下等人嘅嘢，一嚟已經係高級版」。他更明言「越係下等人選擇越少」，認為相對高級的超市某些產品種類會比普通超市更精緻，並以此作出分類。
排名不齊全？ 網民激辯「唔公平」
此番言論引發了大量網民激辯。部分網民對帖主的排名表示不贊同，有網民直言：「Donki除咗和牛外其實都係平民嘢。」亦有人質疑：「city'super會高級過Great？計地段同客人質素，Great點都高過啦。」更有網民指出：「百佳惠康個價錢一啲都唔下等」。
此外，亦有網民提出其他未被列入排名的超市，如「Fusion」、「大生」、「家興」、「佳寶」等，認為帖主的分類不夠全面。對此，帖主回應道：「唔同category（種類），大生、360、759、佳寶唔計」、「你係咪唔識分零食店同超市？」。
網民：印度種姓制度啱哂你
對於這種超市排名的分法，有網民不滿：「明明同一樣嘢，家興平好多，唔通去做lulu咩，似用嚟分智商多」、「買包米都要諗上下等人，印度種姓制度啱哂你」。另有網民諷刺此排名道：「上等人就係工人去超市啦」、「有錢人係理唔度佢工人去邊間超市，因為佢哋應該自己都冇入過去」。
同場加映：惠康超市菜價追上錢大媽！？驚現新鮮菜減至$3.9/包 有齊油麥菜/菜心/唐生菜 網民：之前見5蚊都覺好平了
