內地網紅打卡新招？靠1方法零成本打卡酒店「港女下午茶」 港人無奈：咁樣玩仲抵過名媛班！
發佈時間：15:39 2025-05-07 HKT
網紅打卡招數層出不窮？最近有港人與朋友慶生，在酒店大歎精緻下午茶時遇上「穿金戴銀」的內地客，更靠1方法零成本與酒店「港女下午茶」影打卡照，令她表示大開眼界，無奈指：「咁樣玩仲抵過名媛班！」
內地網紅靠1方法零成本影酒店「港女下午茶」港人無奈：咁樣玩仲抵過名媛班！
有香港網民於Threads發文分享，最近為好友慶生特意安排一場酒店下午茶聚會，兩人入座不久，鄰桌來了一位內地女士，她形容指對方「著晒旗袍、穿金戴銀、拎住個名牌手袋」，而該女士下單只點了一壺茶後，隨即開始專注自拍。
然而，當樓主的下午茶套餐上桌時，該女士立即走近詢問是否可拍攝照片，當時二人以為僅是簡單拍攝，便欣然同意。不料，對方竟直接將整套下午茶餐點搬至自己桌上進行拍攝，此舉令樓主當場震驚，措手不及，幸而該女士在拍攝後將餐點歸還，樓主直呼：「謝天謝地佢都仲有少少良心還返俾我哋。」後來又發現對方迅速修圖並將照片上傳至社交平台，對此大感無奈：「佢咁樣玩仲抵過幾十個人一齊夾下午茶打卡嗰啲名媛班……」
內地網紅零成本打卡酒店「港女下午茶」 網民斥：好唔衛生！
對於事主的經歷，網民紛紛留言表示對此行為反感：「好癲成個tea set拎走」、「再有啲cheap精咁問一定唔出聲，一係用廣東話或者英文應佢，佢夾硬攞嘅，即刻大嗌搶嘢報警！」、「佢哋好鍾意用『禮貌』包裝同合理化佢哋唔合理又過份嘅要求」、「點解可以厚臉皮到咁？」、「俾我會同職員講，啲嘢食俾其他人掂過我唔會想再食」、「好唔衛生喎！」
不過亦有網民質疑二人為何未即時阻止或拒絕拍攝請求：「自己都唔識捍衛自己，難怪俾人恰到上心口」、「就咁影一兩張相我都算，但成個拎走咁都唔出聲？」、「我反而好想知餐廳職員喺度做緊乜？」
樓主則解釋事發突然，沒想到對方會直接搬走整個套餐：「傻吓傻吓，完全唔知點反應好……」而且當日餐廳職員人數不多，沒人察覺到她們需要幫忙，至於衛生問題方面，樓主指對方背對食物自拍，又沒有拿起食物：「都叫做唔係食佢啲口水尾」最後表示自己受到教訓：「（以後）見到佢哋都係走遠啲或扮聾啞盲。」
來源：Threads
延伸閱讀：內地男遊港拍片呻「經濟好但科技好落後」 嫌香港酒店缺1物品 網民批見識少：旅行帶XX是常識吧！
