中環驚現「快充式」按摩店！「肩頸急救站」15分鐘揼骨收$68 網民︰唔想整亂個頭幾好

更新時間：19:10 2025-06-08 HKT
發佈時間：19:10 2025-06-08 HKT

港人出名鍾意按摩，無論是北上深圳或是留港消費，都寧舍喜歡來個泰式揼骨或腳底按摩去鬆一鬆。日前，有網民在社交平台發帖，表示在中環發現一間自稱是「肩頸急救站」的按摩店，僅提供15分鐘按肩頸服務，猶如快充式充電器般，在短時間內極速為客人「叉電」。帖文亦引來網民熱議，不少人更盛讚這創新服務概念不錯，即睇內文詳情。

中環「快充式」按摩店專為OL西裝友而設？ 15分鐘肩頸按摩收$68

日前有網民在社交平台Threads上，以「見到有間咁嘅肩頸急救站」為題發文，表示於中環永吉街發現一間名為「肩頸急救站」的新店。從事主上載的圖片所見，當時正有身穿「肩頸急救員」字樣T恤的按摩員，正在為客人在店內按摩。而從貼出的宣傳單張所見，店家只提供15分鐘的「極速肩頸鬆」按摩服務，收費$68。

網民指睇圖好爽︰唔貴嘅話呢個概念幾好

帖文一出引來不少網民討論，有人指這間新店「有啲諗頭」、「無處不按摩」，更非常適合中環的OL及西裝友，「有時攰攰地，又不想整亂個頭髮，又怕扒喺到按…呢個都幾好呀，肩頸鬆一鬆」。不過亦有人質疑成效，「圖睇到好爽，唔知真係得唔得？」、「唔貴嘅話呢個概念幾好，不過係香港好難唔貴」。

有網民更將這店的收費與坊間的按摩店比較，如15分鐘是$68的話，3節45分鐘則要$204，而坊間連鎖按摩店則約$260，是比較划算。而《星島頭條》記者就此事翻查網上資料，只找到店家的IG官方帳號及簡介，店家表示是「全港首創15分鐘肩頸急救站」，有專業泰式技師「揉合專業撥筋手法」以舒緩肩頸壓力，而且毋須換衫、毋須小費及免預約，但就未有上載任何圖片。

資料來源︰Threads