連鎖餐廳外賣咕嚕肉要自製？自行加入蔬菜+汁料搖勻港人轟「會唔會過份咗」網民睇法兩極：炒先夠鑊氣VS啲肉唔怕變軟

更新時間：17:33 2025-08-14 HKT
發佈時間：17:33 2025-08-14 HKT

近年有部分餐廳食肆為節省人手及成本而轉用「預製菜」或「半預製成品」，不過有食客擔心預製菜的食用安全，對預製菜抱持觀望態度。近日有港人於網上社交平台，批評一間連鎖餐廳的外賣咕嚕肉需要客人自製，港人斥「會唔會過份咗」，惟網民持兩極反應，引起熱議。

連鎖餐廳外賣咕嚕肉要自製？港人轟「會唔會過份咗」

繼出現冰鮮菠蘿包、預製飯後，食客對於預製菜持有不同態度，坊間亦有餐廳開始引入預製菜以節省成本。近日有港人批評連鎖餐廳外賣的咕嚕肉，需要客人自行「加工」。客人需先從內兜取出蔬菜，將蔬菜與咕嚕肉加入汁料兜內搖勻，便能製成咕嚕肉。對於餐廳的安排，發帖者直斥需要自行製作咕嚕肉，「會唔會過份咗小小」。有眼利網民留意到指示紙上，將搖晃的英文「Shake」誤寫為「Shack」，笑指「點解要shack shack？Shake shake我就識」。

網民反應兩極：炒先夠鑊氣VS啲肉唔怕變軟

有網民認為店方做得不錯，可能考慮到此為外賣單，故此不想醬汁令咕嚕肉變軟，「佢係唔想啲汁一早落」、「咁樣啲咕嚕肉咪唔會怕佢變腍囉，有咩問題？」、「正常連汁連骨一齊炒，到你收到外賣時，因為汁浸肉太耐，會令肉又黏又難食」。

不過，有網民認為咕嚕肉的精粹在於醬汁與肉一起炒才夠鑊氣，各有各整已失去精粹，「豬肉點甜酸汁咋...」；有網民直言此為預製菜，「咕嚕肉都要shake」、「預製菜唔應該生存到」、「遲早成包預製料俾你，自己剪袋倒落碗，自己叮」。有網民嘲諷此做法與撈丁相似，「要自己撈有異曲同工之妙」、「唔會淋（腍）晒又有得玩」。

文:RY
資料及圖片來源:kenny.kkf@Threads